Квалификации за ФИБА Лигата на Шампионите: Нема финале за Балкан - КФСМ
23.09.2020

Стартуваа елиминациските натпревари во групите „Б“ и „Д“, со половичен ефект на домаќините

Квалификации за ФИБА Лигата на Шампионите: Нема финале за Балкан

На големо разочарување, домаќинот на турнирот во Ботевград, екипата на Балкан го загуби полуфиналниот дуел со екипата на Цмоки Минск.

Екипата чиј што предводник од клупата е поранешниот македонски селектор, Јовица Арсиќ, имаше слаб финиш, и остана покуса за осум поени (65:73).

А место во финалето обезбеди и екипата на Нептунас која беше за четири поени подобра од Лондон Лајонс (77:73).

Денеска се играат мечевите од групата „Ц“. Во Ботевград ќе разигруваат Игокеа (БиХ) и Клуж Напока (Романија), односно  португалскиот Спортинг и  Фрибург Олимпик (Швајцарија).

На собирот во Никозија, домаќинот, екипата на Керавнос, со тешка мака излезе како победник против солунски Ираклис (96:94).

Многу помалку неизвесност имаше во дуелот Донар Гронинген-Дњипро. Составот од Холандија славеше со убедливи (88:53), па ќе се бори за место во групната фаза од Лигата на Шампионите.  

Вечерва ќе станат јасни и финалистите во групата „А“. Хапоел од Тел Авив важи како фаворит во мечот против Бакен Беарс, а интересно ќе биде и на средбата Анвил Влоцлавек-Монс.

За жал, поради пандемијата на КОВИД 19, овие квалификациски натпревари од најквалитетното натпреварување на ФИБА, се реализираат без присуство на публика. 

КВАЛИФИКАЦИИ ЗА ЛИГАТА НА ШАМПИОНИТЕ

РЕЗУЛТАТИ И РАСПОРЕД

ГРУПА А (НИКОЗИЈА)

ПОЛУФИНАЛЕ (ДЕНЕСКА)

15.30: Бакен Беарс – Хапоел Тел Авив

19.30: Анвил Влоцлавек – Монс

ФИНАЛЕ (25.СЕПТЕМВРИ)

ПОБЕДНИК 1 – ПОБЕДНИК 2

 

ГРУПА Б (НИКОЗИЈА)

ПОЛУФИНАЛЕ

Донар Гронинген – Дњипро    88:53

Керавнос – Ираклис        96:94

ФИНАЛЕ (24.СЕПТЕМВРИ)

19.00: Керавнос - Донар Гронинген

 

ГРУПА Ц (БОТЕВГРАД)

ПОЛУФИНАЛЕ (ДЕНЕСКА)

15.30: Фрибург Олимпик – Спортинг

19.30: Клуж Напока – Игокеа

ФИНАЛЕ (25.СЕПТЕМВРИ)

ПОБЕДНИК 1 – ПОБЕДНИК 2

 

ГРУПА Д (БОТЕВГРАД)

ПОЛУФИНАЛЕ

Нептунас – Лондон Лајонс       77:73

Цмоки Минск – Балкан  73:65

ФИНАЛЕ (24.СЕПТЕМВРИ)

19.00: Нептунас – Цмоки Минск