Сениорската репрезентација на Макдонија не успеа да ја запише првата победа во квалификациите за Светскиот Куп 2023 година. Во шестиот и последен меч од групата „Г“, Украина славеше победа, и ги задржа шансите да го освои второто место во друштвото на Шпанија и Грузија.
Нам, пак, веќе во последната седмица од август, ни следува настап во вториот круг од квалификациите за Евробаскетот 2025.
МАКЕДОНИЈА – УКРАИНА 68:71
Одлично офанзивно издание имаа гостите од Украина во првата четвртина од натпреварот во СЦ „Борис Трајковски“ во Скопје. Реализираа дури 35. поени, и да не беа оние 13. поени на нашата страна кои стигнаа од капитенот Војдан Стојановски, извесно е дека гостите ќе имаа и поголема предност од стартната (35:21).
Тие плус 15 им овозможија на избраниците на селекторот Аинарс Багацкис да играат уште полесно.
![](https://kfsm.mk/codeframe/external/media/source/makedonija-ukraina/0407-%D0%BC%D0%BA%D0%B4-%D1%83%D0%BA%D1%80%D0%B0%D0%B8%D0%BD%D0%B0-5.jpg)
Во продолжението, Мекиќ ја погоди четвртата тимска тројка, за да најави успешна втора четвртина за Македонија (24:35). Се покажа како успешна затоа што до истекот на полувремето нашите кошаркари успеаја да симнат дел од високата негатива. По 20.минути игра заостанувавме десет поени (37:47), а Јакимовски со десет поени, стана вториот двоцифрен кошаркар во нашата репрезентација.
Во ист стил продолживме...
Крстевски погоди тројка со која ја претвори негативата во едноцифрена (40:47). Двете слободни фрлања на Стојановски и положувањето на Николов, нè доближија на разлика од само „еден посед“ (44:47).
![](https://kfsm.mk/codeframe/external/media/source/makedonija-ukraina/0407-%D0%BC%D0%BA%D0%B4-%D1%83%D0%BA%D1%80%D0%B0%D0%B8%D0%BD%D0%B0-6.jpg)
Михаљук, кој ни правеше и најмногу проблеми во нападот (реализирае 22 поени во три четвртини) ја прекина нашата серија од (7-0), во првите три минути од третата четвртина.
Не застанавме, дојдовме и до (51:54) откако Робев погоди кога се играше 29.минута. Слично беше „растојанието“ кога уште еднаш положи Николов и постави (53:57) и ја остави за отворена надежта дека можеме до првата победа во квалификациите за Светскиот Куп.
Крстевски и Јакимовски ја одржаа таа резултатска дистанца на почетокот на последниот период од играта (57:61). Но гостите успеаја да се одлепат на двоцифрена предност, откако направија серија од (8-0), за да водат со (69:57).
Но не ја загубивме самодовербата, напротив. По тројката на Јакимовски (негов 17.поен на средбата), Македонија имаше -4 (65:69), на 3:45 минути пред крајот на трката во светските квалификации. По неколку поред, нереализирани напади за комплетен „камбек“, казни Ковалов, за (71:65) на влезот во последната минута. Николов намали на (68:71), врати Михаљук (73:68) и го постави конечниот резултат.
Одлично издание имаше трилингот Стојановски-Јакимовски-крстевски. Искомбинираа 45 од крајните 66.поени за Македонија.
КВАЛИФИКАЦИИ ЗА СК 2023
ГРУПА „Г“
РЕЗУЛТАТИ 5. КОЛО
МАКЕДОНИЈА – Украина 68:73
Грузија – Шпанија 82:76
ТАБЕЛА
1.Грузија 6 4 2 467:462 10
2.Шпанија 5 4 1 427:326 9
3.Украина 5 3 2 387:369 8
4.МАКЕДОНИЈА 6 0 6 371:495 6
ЗАОСТАНАТ НАТПРЕВАР (7. ЈУЛИ)
Украина - Шпанија