26.12.2020 Тимот од Вилербан убедливо го порази оној од Данкерк со (96:68). Кошаркарите на Гравелин не успеаја да направат изненадување на гостувањето во Вилербан. И пред да почне мечот во „Астробал“ беше јасно дека евролигашот е голем фаворит. На крајот, домаќините и го потврдија статусот. Славеа убедлив триумф над екипата од Данкерк со резултат (96:68). Војдан Стојановски не беше во почетната петорка на „морнарите“. Одигра 23.минути во кои реализираше шест поени со половична прецизност (3/6 за два поени). Освен тоа капитенот на нашиот национален тим имаше и четири асистенции. Гравелин останува на две победи во осум одиграни мечеви, за 14.место на табелата во ЛНБ лигата на Франција.
