24.10.2020

Во 6. коло од елитната дивизија, Гравелин загуби на домашен терен од Дижон (67:81)

ЛНБ лига на Франција: Седум поени на Стојановски, нов пораз за Гравелин

Војдан Стојановски се најде во стартната петорка на домашната екипа. Но Гравелин немаше добар старт, по првата четвртина заостануваше за пет поени (14:19), а зад името на капитенот нашиот национален тим беа запишани два поени.

До крајот на сиромашното, според бројот на поени, прво полувреме, бекот на Гравелин уфрли вкупно седум поени (2/2 за два и 3/3 за еден поен) и еден скок, но гостите го задржаа водството (34:30).

На почетокот на третиот период, дојдоа и до двоцифрена предност (43:32), а Стојановски имаше еден неуспешен обид од поле, и остана на претходниот ефект. За 18:31 минути поминати во игра, имаше седум поени (3/3 за еден, 2/3 за два и 0/3 за три поени).

Очајно делуваа домашните кошаркари во тоа второ полувреме во кое без Стојановски на теренот, беа во минус и од 19 поени (49:68). За 15.минути „морнарите“ од Данкерк имаа дадено само 19.поени.  

По овој пораз од (67:81), Гравелин останува на само една победа во пет одиграни натпревар во ПРО А лигата.