Митрашиновиќ – најдобар стрелец на Будуќност во дербито со Партизан - КФСМ
29.12.2020

Капитенот на женската сениорска селекција реализираше 14 поени во победата од 82:57

Митрашиновиќ – најдобар стрелец на Будуќност во дербито со Партизан

Кошаркарките на Будуќност Бемакс го завршија првиот дел од натпреварите во женското издание на Јадранската лига како први на табелата. Во својот седми одигран натпревар од почетокот на регионалното натпреварување, Анџелика Митрашиновиќ и колешките дојдоа до шестата победа.

Во меч кој некогаш беше означуван како дерби, Будуќност Бемакс лесно го совлада белградски Партизан со убедливи 82:57, а капитенот на нашиот женски сениорски состав беше и најдобриот стрелец во победничката екипа.

Митрашиновиќ реализираше 14 поени (2/5 за три, 4/7 за два поени и 0/1 за еден поен). Имаше и четири скока, три асистенции, две загубени и една освоена топка за 2:47 минути поминати на теренот.

Интересно е што на оваа средба, домашната екипа погоди само едно слободно фрлање (изведе четири), но и покрај тоа стигна до шестиот триумф кој ги искачува девојките од Подгорица на првото место на табелата.