Во првиот полуфинален натпревар од завршниот турнир од М14 лигата во машка конкуренција, екипата на МЗТ Скопје го совлада Ролинг Струмица, и обезбеди пласман во утрешното финале во оваа возрасна конкуренција.
МЗТ СКОПЈЕ – СТРУМИЦА РОЛИНГ 69:48
Младите кошаркари на МЗТ Скопје имаа предност во текот на првото полувреме, а првото поголемо водство беше на почетокот на втората четвртина, кога водеа со (25:17), за тие 20.минути ги затворат со нешто повисоки (30:21).
Во вториот дел од првото полуфинале, младите „металци“ се стекнаа и со двоцифрна разлика, во 27.минута имаа плус 11 (45:34).
Струмичани не се предаваа, во одредени моменти од играта, успеваа да ја симнат негативата под десет поени.
Сепак, по три одиграни чеѕвртини, МЗТ Скопје водеше со иста разлика (51:40).
Имаа „домаќините“ идентични (55:44) во 34.минута од играта, а потоа во само две минути, со серија од (8-2) изградија и највисока предност (63:46) со која си го трасираа патот кон финалето. 
Со 23 реализации , Арсенов го предводеше победничкиот тим, во кој, Котевски додаде уште 17.
Во составот од Струмица, Стојковски уфрли 16, а Лазаров и Златевски имаа по 10.поени.
Во вториот полуфинален натпревар (од 16.часот), ќе се сретнат екипите на Феникс 2010 и Работнички.
ФИНАЛЕН ТУРНИР М14-МАЖИ
РАСПОРЕД НА НАТПРЕВАРИТЕ
17.МАЈ (САБОТА)
ПОЛУФИНАЛЕ
МЗТ Скопје – Струмица Ролинг 69:48
16.00: Работнички – Феникс 2010
17.МАЈ (САБОТА)
13.30: За трето место: Струмица Ролинг - Работнички/Феникс 2010
16.00: Финале: МЗТ Скопје - Работнички/Феникс 2010
