„Црно-белите“ стигнаа до убедлива победа над Феникс 2010 (74:59), додека „вардарци“ лесно го победија Чаир 2030 со резултат (70:24)...
Согласно со системот за натпреварување, втората фаза од М-18 лигата во машка конкуренција опфаќа одигрување на уште седум натпревари според „Оролоџо“ системот.
Систем по кој првопласираните четири екипи од овој втор круг ќе се пласираат директно во четвртфиналето од М-16 лигата, додека оние кои се пласирани од 5. до 8. место ќе разигруваат со првопласираните четири екипи од новоформираната Втора лига, со спојување на групите Исток и Запад.
А во првото коло, фаворитските екипи го потврдија својот статус кој го имаа и во оној прв круг од натпреварите.
Во можеби најинтересниот меч од премиерното коло, кошаркарите на Партизан Водно Санс полесно од очекувањата беа подобри од Феникс 2010. Слвеа со сигурни, убедливи (74:59), па сега дојдоа на чекор до лидерската екипа.
Чекор понапред кон местата кои водат директен пласман во четвртфиналето направи и екипата на Вардар, која без особени напори го совлада Чаир 2030 со (70:24).
Во најизнедначениот дуел во ова коло, Работнички беше подобар ривал од Куманово 2009. Дојде до победа од (69:56), па „црвено-белите“ остануваат во трката за позицијата број 4, заедно со екипата на МЗТ Скопје Аеродром која вечерва го игра својот меч против екипата на Академија ФМП.
*Во Втората лига од оваа М-18 конкуренција, одличен почеток на Еуро Никел 2005. Кавадарчани славеа со 28.поени предност во дуелот со Вибас Баскет (96:68). Неизвесно беше на средбата помеѓу вториот тим на МЗТ Скопје Аеродром и ТФТ. Беше решена во последната минута, а на крајот се радуваа гостите (88:75).
Во Гевгелија, Кожув го совлада вториот состав на Партизан Водно Санс (73:67), а следната седмица својот меч од вториот круг на натпреварите во М-18 лигата ќе го играат Гостивар и Пелистер.
М-18 ЛИГА-МАЖИ
РЕЗУЛТАТИ
1. КОЛО-ОРОЛОЏО
Партизан Водно Санс – Феникс 2010 74:59
Вардар – Чаир 2030 70:24
Работнички – Куманово 69:56
МЗТ Скопје А-1 – Академија ФМП 75:65
ТАБЕЛА: Феникс 2010 28, Партизан Водно Санс 27, Вардар 26, МЗТ Скопје А-1 23, Работнички 22, Куманово 20, Академија ФМП 18, Чаир 2030 14;
ИДНО КОЛО (07.03)
Вардар – МЗТ Скопје А- 1
Феникс 2010 – Академија ФМП
Чаир 2030 – Куманово 2009
Партизан Водно Санс – Работнички
ВТОРА ЛИГА – МАЖИ
1.КОЛО-ОРОЛОЏО
МЗТ Скопје Аеродром-2 – ТФТ 85:88
Еуро Никел 2005 – Вибас Баскет 96:68
Кожув – Партизан Воднос Санс-2 73:67
Гостивар – Пелистер 10.03
ТАБЕЛА: Еуро Никел 2005 2, Кожув 2, ТФТ 2, МЗТ Скопје Аеродром-2 1, Партизан ВС-2 1, Вибас Баскет 1, Гостивар 0 (-1), Пелистер 0 (-1)
ИДНО КОЛО (07.03)
Еуро Никел 2005 – Гостивар
ТФТ – Пелистер
Вибас Баскет – Партизан Водно Санс-2
МЗТ Скопје Аеродром-2 - Кожув
