Екипата на Водно Санс е државен првак во М16 лигата во машка конкуренција. По убедливата победа во полуфиналето, против Вардар, делуваа слично и во финалниот натпревар во оваа натпреварувачка сезона 2021/2022 каде противник им беше Академија ФМП.
АКАДЕМИЈА ФМП – ВОДНО САНС 69:102
Иако противникот ја доби првата четвртина со (30:25), Академија ФМП се држеше до средината на втората четвртина, кога избраниците на тренерот Златко Мокров беа во заостанување од само два поени (37:39). Следуваше несфатлив пад во играта на момчињата од Кисела вода.
Тоа „црно-белите“ знаеја да го „наплатат“...
Водно Санс предводен од двоецот Јаничиќ-Кириловски, заедно со Бутемер, кој се „појави“ во нападот, за неполни пет минити направија серија од (16-1), за на полувремето да стигнат до навистина високи (55:38).
Токму Јаничиќ и Бутемер реализираа по 12.поени, Кириловски беше блиску, даде десет.
На спротивната страна, поентерски, во тие 20.минути се одвои Поповиќ, кој реализираше 15.поени.
Дуелот за победничкиот пехар беше рамноправен и во добар дел од третата четвртина, но уште еднаш, налик на случувањата во претходниот период, кошаркарите на Водно Санс ги ловеа сите грешки на противникот, и по 30.минути игра веќе имаа недостижни (76:49).
Цела една петорка во победничката екипа финишираше со десет и повеќе поени. Кириловски даде 17, Јаничиќ 16, Марјановиќ 15, Бутемер 14, а Митев уште 11.
Поповиќ ќе памети дека овој финален дуел го заврши со 25, а Николов беше стрелец на 11. поени.
Претходно, во натпреварот за третото место, екипата на Феникс 2010 беше за малку подобра од Вардар. Славеше победа (62:59), за трето место во М16 лигата за натпреварувачката сезона 2021/2022.
Коста Кириловски е најкорисниот играч на финалниот турнир
Младиот кошаркар на Водно Санс, Коста Кириловски е прогласен за најдобар на овој завршен турнир од М16 лигата.
Крилото на Водно Санс имаше две одлични изведи во СРЦ „Кале“. На првиот меч против вардар, направи дабл-дабл од 23.поени и 15.скока, додека пак во финалето, против Академија ФМП, реализираше 17.поени, на кои додаде и осум скока. за вкупен индекс 50 (на двете средби од турнирот).
Сосема заслужено, доволно за МВП наградата.
ЗАВРШЕН ТУРНИР М16 ЛИГА-МАЖИ
РЕЗУЛТАТИ – ПОЛУФИНАЛЕ
Академија ФМП – Феникс 2010 70:64
Водно Санс - Вардар 56:40
ЗА ТРЕТО МЕСТО
Феникс 2010 – Вардар 62:59
ФИНАЛЕ
Академија ФМП – Водно Санс 69:102
