Извршниот комитет на ФИБА донесе неколку важни одлуки во однос на т.н. „прозорци“ во квалификациите за континенталните натпреварувања во ноември 2020, и февруари 2021 година.
Со оглед на здравјето и безбедноста на играчите, тренерите и официјалните лица, натпреварите во квалификациски зони планирани за ноември 2020 година и февруари 2021 година, ќе се играат во т.н. „балони“.
- Регионалните канцеларии/одбори на зоните да одлучат дали секој „балон“ ќе се состои од 4 или 8 екипи (една или две квалификациски групи) и соодветно на тоа, да ги известат националните федерации
- Регионалните канцеларии да циркулираат со медицински протоколи, а по одобрување од страна на Медицинска комисија, како и со прирачници за хостинг.
- Регионалните канцеларии / одбори на зоните, да одлучуваат за домаќините на „балоните“ врз основа на објективни критериуми, без плаќање на било каква котизација.
Веднаш потоа, а по препорака на регионалните канцеларии/одбори на зоните, Централниот одбор на ФИБА, на 6 ноември ќе одлучува кому ќе му ги додели организациите на квалификациските турнири или т.н. „балони“.
