Националната селекција до 14 години со тренинг на 2. јуни - КФСМ
15.05.2018

Националната селекција до 14 години со тренинг на 2. јуни

Изминатиот викенд (в недела) националната селекција до 14 години одржа уште еден тренинг. Стручниот штаб, во состав Благоја Кечовски (селектор) Никола Данев и Андреј Апостолски (асистенти) како и Сашо Лазаров (ментор) го составија списокот од 40 млади и талентирани кошаркари со кои ќе работат во наредниот период.

Досега беа одржани регионални селективни тренинзи за кошаркари родени 2004 и 2005 година, а потоа следеа неколку тренинга во Скопје со поширокиот список. Селекторот Кечовски е задоволен од ангажирањето на младите кошаркари на тренинзите кои работеа на повеќе аспекти од кошаркарската игра. Селекцијата ќе продолжи да работи со полна пареа, а наредниот тренинг ќе биде одржан за две седмици, на 2. јуни. Салата, како и времето на почеток на тренингот ќе бидат дополнително објавени.

Во меѓувреме кошаркарите ќе го завршат регуларниот дел од натпреварувањето во домашното првенство и ќе завршат со финалниот турнир закажан за идната седмица (23. и 24. мај). 

Членовите на стручниот штаб ќе го искористат завршниот турнир за докомплетирање на претставата за кошаркарите.

Списокот на повикани кошаркари може да се погледне на следниот ЛИНК.