Кошаркарите на Реал Бетис стигнаа до уште една, трета по ред победа во „Ендеса“ лигата во последните десет дена. Многу вредна во трката за опстанок во најсилната лига во Европа. И тоа против директниот конкурент во битката за преживување во елитната шпанска конкуренција, Морабанк Андора, уште и на гостински терен, и повеќе од убедлива (93:76).
И со беспрекорно точна изведба на нашиот репрезентативец Џејкоб Вајли, и тимски рекорд од 17 постигнати тројки.
Силното крило на екипата од Севиља ги погоди сите четири обиди од поле. Имаше осум поени, а за 23:32 минути на теренот плус и осум скока и една асистенција, и индекс-16.
Ова беше деветтиот триумф за Реал Бетис во 29. одиграни натпревари. Ефект од (9-20) со кој конечно излее од зоната на испаѓање во која сега најзагрозена е токму екипата на МораБанк Андора (8-21), но и Сан Пабло Бургос.
