Македонскиот репрезентативец Ти-Џеј Шортс и неговиот тим, Телеком Бон ќе играат на завршниот турнир од ФИБА Лигата на шампионите, откако во третиот и решавачки натпревар од четвртфиналната серија го победија францускиот Стразбур со (83:77).
И со вкупни (2-1) се пласираа на завршниот турнир од најквалитентото натпреваруавње на ФИБА.
А американскиот племејкер со македонски пасош одигра уште еден добар натпревар. За 30. минути во игра, постигна 24 поени,макар што половина од нив беа од линијата за слободни фрлања (12/13).
Со овој триумф, бундеслигашот доби шанса да се бори за својот прв меѓународен трофеј во 31. годишното постоење на клубот.
Пласманот на „Фајнал-фор“ турнирот е најголем успех досега на меѓународна сцена. Завршниот турнир ќе се одржи од 12 до 14.мај, а домаќинот ќе биде одреден дополнително, откако ќе бидат познати сите четири учесници.
Во полуфиналето, Телеком Бон ќе игра со подобриот од „мајсторката“ меѓу Хапоел Ерусалим и АЕК.
