07.11.2024 Со 22 реализирани поени го урна големиот Реал Мадрид Македонскиот репрезентативен плејмејкер ја имаше најдобрата партија од доаѓањето во Милано. Иако немаше целосна минутажа и одигра нешто повеќе од 25 минути, Димитријевиќ беше најдобар поентер на натпреварот и заврши со 22 поени. Тој уфрли четири тројки и уште четири пати беше прецизен од поле, па погоди и две слободни фрлања. Популарниот Нено беше прв стрелец на мечот. Тој даде 15 поени во првото полувреме, и најави дека е супер расположен и незапирлив за одбраната на Реал Мадрид.
