ФОТО (Димитар Петковски): Никола Малешевиќ (Пелистер)
По подолго време, оваа 17. рунда од шампионатот важи како комплетна. Односно викендов се одиграа сите шест планирани натпревари.
А во центарот на вниманието беше дуелот во салата „Младост“ во Гостивар, каде гостуваше лидерот на табелата, Пелистер.
„Зелено-белите“ го оправдаа тоа место, со убедлив триумф (100:80), во голема мерка и поради индивидуалниот ефект, пред сè, на првата петорка.
А најдобар меѓу најдобрите, е ефектот кој го реализираше Никола Малешевиќ, кој беше блиску до трипл-дабл ефект.
За 37:03 минути на теренот, реализираше 19. поени, имаше и девет скока, осум асистенции, две блокади, и по една овоена односно загубена топка.
Доволно за индекс-35.
Или само еден повеќе во однос на ефектот на Амир Смит. Ниското крило на ТФТ на средбата со Вардар, оствари 34.индексни поени. До нив дојде со монструозен дабл-дабл ефект од 20.поени и 19.скока (шест офанзивни) со висок процент на реализација од поле (9/17), дополнети со четири блокади за 28:52 минути во игра.
Следуваат двајца играчи со идентичен индекс - 30.
Игор Кесар од Пелистер и Роберт Рикиќ од Еуро Никел 2005 се дел од идеалните пет за ова коло.
Силното крило на „пелистерци“ го заврши мечот со Гостивар со 26.реализации (10/12 за два поени), шест скока, три асистенции, две загубени и една освоена топка за 37:57 минути на теренот.
Рикиќ пак имаше доста полесна задача во дуелот со прволигашот од Струга. Ги погоди сите седум обиди за два поени, а за 17.минути, постигна исто толку поени, плус и девет скока, четири асистенции и по две освоени, односно загубени топки.
За одбележување е и ефектот на Отис Ливингстон. Бекот на Куманово 2009 собра 28. индексни поени во супер важната победа над Работнички.
Дуелот со фаворизираниот противник го заврши со 20.поени (7/10 во шутот од поле), дополнети со девет асистенции, два скока, две освоени и една загубена топка за 31:25 минути во игра.
ИДЕАЛНА ПЕТОРКА НА 17.КОЛО
(според индекс поени)
Никола Малешевиќ (Пелистер) индекс-35
Амир Смит (ТФТ) индекс-34
Игор Кесар (Пелистер) индекс-30
Роберт Рикиќ (Еуро Никел 2005) индекс-30
Отис Ливингстон (Куманово 2009) индекс-28
ВТОРА ПЕТОРКА
(според индекс поени)
Џексон Дубински (Еуро Никел 2005) индекс-27
Бојан Трајковски (Пелистер) индекс-26
Александар Тодоровиќ (Гостивар) индекс-25
Теодор Атанасов (Академија ФМП) индекс-23
Дамјан Робев (Куманово 2009) индекс-22
