28.09.2020 На заедничкиот состанок на раководството на федерацијата и Здружението на прволигашите е направена измена во календарот Новата натпреварувачка сезона 2020/2021 во Првата лига-мажи наместо на првобитниот планираниот термин 3. октомври, ќе почне седум дена подоцна, односно на 10. октомври. Ова е одлуката која на заедничкиот состанок ја донесоа раководството на федерацијата и претставниците на клубовите од Првата лига-мажи. Двете страни заклучија дека поради актуелниот момент, потребно e одложување на стартот на новата сезона за седум дена.
