Одиграни уште четири натпревари од второто коло во ПЛМ - КФСМ
14.10.2017

Одиграни уште четири натпревари од второто коло во ПЛМ

Пет натпревари од вкупно шест денес се одиграа во рамки на второто коло од Првата лига во машката кокуренција.Екипите на Карпош Соколи, Гостивар, Блокотехна, Охрид и Работнички запишаа победи против своите соодветни противници – Струмица, Кожув, Пелистер, Куманово односно Фени Индустри.

Колото го отвори вицешампионот откако ја нагости Струмица и дома ја испрати со 94 примени поени. Кошаркарите на Струмица реализираа 77 поени во текот на натпреварот.

Карпош Соколи – Струмица 94-77 (15-2, 34-15, 18-21, 27-21)

Вториот натпревар за денот, помеѓу Гостивар и Кожув заврши со убедливи 101 – 75 за домашниот состав. За гостиварци ова е втора победа во досегашниот тек на натпреварувачката сезона. За Кожув – втор пораз.

Гостивар – Кожув 101-75 (25-11, 17-21, 26-27, 31-16)

Во рамки на третиот натпревар „галебите“ од Охрид му се спротивставија на Куманово, но загубија во обидот.

Охрид – Куманово 73-91 (12-31, 26-19, 13-16, 22-25)

Блокотехна вторпат забележа убедлива победа. Овој пат на метата на еден од новите прволигаши се најде битолски Пелистер.

Блокотехна – Пелистер 95-51 (33-10, 17-14, 24-10, 21-17)

Најтрофејниот Работнички го предизвика трикратниот шампион Фени Индустри и не му дозволи на тимот од тиквешкиот регион да запише прва победа во новата сезона.

Работнички – Фени Индустри 80-63 (21-21, 25-18, 15-14, 19-10)

Последниот натпревар од второто коло, помеѓу Шкупи и МЗТ Скопје Аеродром ќе се одигра во среда (18. октомври) со почеток од 18:00 часот.