Судискиот оддел на ФИБА ги потврди номинациите на официјалните лица за наредните два натпревари од претквалификациите за пласман на Евробаскетот 2025 година.
Односно натпреварите од групата „Д“ во која е и нашиот сениорски национален тим.
На натпреварот од третото коло, Македонија-Норвешка, кој се игра на 10. ноември во салата „26.април“ во Гевгелија, со почеток од 19.часот, правдата ќе ја дели судиската тројка: Лукаш Јанковски (Полска), Валентин Олиот (Франција) и Јан Балун (Чешка). Во улога на делегат е Фатон Куршумлија (Косово).
На оној наредниот, закажан за 13. ноември, исто така во Гевгелија (од 19.часот), на средбата против репрезентацијата на Данска, како официјални лица-судии, ќе бидат: Петрос Папапетру (Грција), Герт Јакобс (Белгија) и Алин Фаур (Романија), а делегат е Ставри Бело од Албанија.
