Судискиот оддел на ФИБА ги потврди номинациите на официјалните лица за наредните два натпревари од квалификациите за пласман на Евробаскетот 2023 година.
Односно натпреварите од групата „А“ во која е и нашиот женски сениорски национален тим.
На натпреварот од третото коло, Белгија-Македонија, кој се игра на 24. Ноември, во салата „Спортплаза“ во Ловен, со почеток од 20.30 часот, правдата ќе ја дели судиската тројка: Амел Дахра (Франција), Ева Матушевска (Полска) и Ниам Калаган (Ирска).
Во улога на делегат е Ана Патрисија Гулак-Липка (Полска).
На оној наредниот, закажан за 27. ноември (од 19.часот), во салата на СРЦ „Кале“ во Скопје, на средбата против репрезентацијата на Германија, како официјални лица-судии, ќе бидат: Озге Шентурк Бајрактар (Турција), Венцислав Великов (Бугарија) и Димитриос Захарис (Грција), а делегат е Чан Дураслан од Турција.
