Судискиот оддел на ФИБА ги потврди номинациите на официјалните лица за наредните два натпревари од квалификациите за пласман на Евробаскетот во 2025 година, односно натпреварите од групата „Г“ во која е и нашиот женски сениорски национален тим.
На натпреварот од третото коло, Македонија-Украина, кој се игра на 7. ноември во салата на СРЦ „Кале“ во Скопје (од 18.часот), правдата ќе ја дели судиската тројка: Александра Јоана Стан (Романија), Вероника Ваврова (Чешка) и Џелал Мумини од Косово.
Во улога на делегат е Аленка Скреблин од Словенија.
На оној наредниот, против селекцијата на Португалија, закажан за 10. ноември, на истото место, салата во СРЦ „Кале“ во Скопје, и во исто време, од 18. часот, како официјални лица-судии, ќе бидат: Стилијанос Симеонидис од Грција, Сузана Вујичиќ (Црна Гора) и Владимир Занев од Бугарија, додека делегат е Драган Медан од Хрватска.
