18.07.2017 ФИБА го направи делегирањето на официјалните лица од натпреварите од претквалификациите за Светското првенство што во 2019 година ќе се одржи во Кина. Двајца македонски судии и еден делегат се номинирани за делегирање, а се чека на нивна официјална потврда на истото. Петар Денковски е номиниран за помошен судија на натпреварот помеѓу Босна и Херцеговина и Словачка кој во Сараево ќе се одигра на 5. август со почеток во 20:00 часот. Зоран Митровски е номиниран за помошен судија на натпреварот помеѓу Бугарија и Белорусија кој во Ботевград ќе се одигра на 5. август со почеток во 18:00 часот Ѓорѓи Пиперков е номиниран за делегат на натпреварот помеѓу Албанија и Австрија кој во Тирана ќе се одигра на 2. август со почеток во 20 часот и 30 минути.
