„Петка“ за Димитријевиќ, Хувентуд пред пласман во ТОП 16 фазата од Еврокупот - КФСМ
12.12.2019

„Петка“ за Димитријевиќ, Хувентуд пред пласман во ТОП 16 фазата од Еврокупот

Кошаркарите на Хувентуд стигнаа до убедлив триумф над еден од топ фаворитите за висок пласман во Еврокупот, екипата на Уникс (90:73).

 

На оваа средба на која Хувентуд го потврди својот настап во ТОП 16 фазата, Ненад Димитријевиќ помина 14:12 минути во игра.

А младиот репрезентативец на Македонија забележа ефект од пет поени (1/3 за три и 2/2 за еден поен). Имаше и по четири скока односно асистенции, една освоена и три загубени топки.

По девет одиграни кола во групата „Ц“, со ефект од пет победи и четири порази, тимот од Бадалона е во првите четири кои одат во следната фаза.

Во последниот круг од оваа прва рунда, екипата на Хувентуд гостува во Љубљана и игра против екипата на Цедевита Олимпија.

*фотографијата е превземена од веб-страницата на Еурокуп