20.10.2025

Викендов ќе стартуваат и натпреварите во третото, според ранг натпреварување во машкиот сениорски сегмент

Почнува и натпреварувањето во Аматерската лига-мажи

Викендот кој следува. ќе стартуваат и натпреварите од Аматерската лига-мажи.

Согласно бројот на пријавени клубови – осум, односно системот за натпреварување, во првиот дел од сезоната ќе се игра според двокружен бод-систем - „секој со секого“.

Односно осумте пријавени екипи ќе одиграат по 14. натпревари во 16. натпреварувачки кола.

Во вториот натпреварувачки сегмент, односно плеј-офот, пласман ќе обезбедат првопласираните четири екипи од првиот дел.

Полуфиналето ќе се игра според принципот „подобар од три натпревари“, според формат „1-1-1“ со предност на домашен на подоброрангираните екипи.

Победниците од двете полуфинални серии ќе обезбедат место во финалето кое ќе се игра според истиот систем како и полуфиналето.

Победникот ќе обезбеди пласман во Прва македонска лига-мажи за натпреварувачката сезона 2026/2027.

Календарот за натпреварување вели дека првото првенствено коло во Аматерската лига-мажи ќе се одигра на 25/26. октомври, додека последното коло од регуларниот дел е предвидено за 7. односно 8. март, 2026 година.

Почетокот на полуфиналните серии е предвиден за 14/15. март, вториот меч од серијата ќе се игра на 21/22. март, додека евентуалниот трет натпревар би се играл на 28/29.март (на теренот на подобро рангираната екипа).

Првиот натпревар од финалето на плеј-офот ќе се игра на 4. или 5.април, вториот на 11. или 12. април, а евентуалната „мајсторка“ на 18. или 19. април, 2026 година.

*Поради настапите на машката сениорска репрезентација – во периодот од 27. до 30. ноември, оваа година, нема да се играат редовно закажаните првенствени кола.

Пауза, односно „слободен викенд“ во ова натпреварување ќе има и во термините кога ќе се играат квалификациите од Купот „Благоја Георгиевски-Буштур“, и тоа на 27/28. декември (четвртфинале), односно на 14/15. февруари. 2026 година (финален турнир).

РАСПОРЕД НА НАТПРЕВАРИТЕ ВО АМАТЕРСКА ЛИГА-МАЖИ ЗА НАТПРЕВАРУВАЧКА СЕЗОНА 2025/2026