Подготвителни натпревари: Куманово подобар од Кожув, а МЗТ Скопје Аеродром од Гостивар - КФСМ
10.09.2020

Во средишниот дел од подготовките, стартуваа и оние контролни мечеви на прволигашите...

Подготвителни натпревари: Куманово подобар од Кожув, а МЗТ Скопје Аеродром од Гостивар

Екипата на Куманово го одигра својот втор контролен натпревар. На свој терен го пречекаа гевгелиски Кожув и славеа убедливо со (81:59).

Уште во првиот период кумановци дојдоа до сигурно водство, прво од (15:8, потоа и (25:16). На полувреме беше (41:35) за Куманово. Екипата која пресудната разлика ја направи во третата четвртина, во која поведе со недостижни (65:47).  

Американецот Шелби даде 22.поени Андрејевиќ го следеше со 19. На другата страна се издвои американскиот тандем,Џексон-Скот, двајцата реализираа по 17.поени.

*Во првиот контролен меч во пресрет на новата сезона, екипата на МЗТ Скопје Аеродром домашен терен го победи Гостивар со сигурни (87:77).

Натпревар во кој Андрија Бојиќ беше убедливо најдобар стрелец, постигна 33. поени. Новакот Хасани Гравет реализира 17, репрезентативецот Бојан Крстевски 12, а Тодрик Гочер даде уште десет поени за „сино-белите“ во чиј што состав недостасуваа неколку играчи, Андреј Маслинко, Андреј Магдевски, Феми Олуџоби и Адем Мекиќ.

Американецот Мозли Стаки со 23 поени беше прв стрелец во гостинската екипа, каде екс-репрезентативецот Александар Костовски реализираше уште 11.