Подготвителни натпревари: Пелистер ја помина и Чапљина - КФСМ
19.09.2020

Одлична шутерска изведба на „зелено-белите“, на втората проверка во БиХ, реализираа 13.тројки

Подготвителни натпревари: Пелистер ја помина и Чапљина

Кошаркарите на Пелистер дојдоа до втората победа во пдоготвителниот период. На гостувањето во БиХ, забележаа убедлива победа и во вториот пријателски меч. Без особени проблеми, го совладаа тимот на Ласта од Чапљина со резултат (96:77).

„Зелено-белите“ беа далеку подобар противник во пресметката со членот на босанската Прва лига. А Американецот Џастин Мартин и Србинот Игор Кесар со по 16. реализирани поени беа најпрецизни во тимот предводен од тренерот Марјан Илиевски. Бојан Трајковски постигна 13, а Бобан Стајиќ уште 10 поени.

За „пелистерци“ следуваат уште три контроли. Во наредните денови ќе одиграат и средби против екипите на Широки, Зрињски, и уште еднаш со Леотар од Требиње каде е „базата“ на нашиот прволигаш.