Втора по ред победа за нашата најдобра селекција на турнирот во Скопје. Многу значајна ако се земе в предвид дека ја совладавме Швајцарија, која не победи во првиот круг од натпреварите.
ШВАЈЦАРИЈА – МАКЕДОНИЈА 61:67
Одлично почнаа избраниците на селекторот Драган Бајиќ. За кратко време, неполни три минути, реализиравме солидно водство од (12:4), кое го натера селекторот на Швајцарија на реакција.
Делумно даде резултат, затоа што противникот „врза“ шест поени, намали на (10:12). Но имавме одговор за тоа, со наши шест поени во серија која ја заокружи Николов со „два плус еден“ игра, за враќање на предноста.
По десет минути, Македонија водеше со (18:10).
Сличен беше развојот на настаните и во втората четвртина од овој исклучително важен натпревар за „црвено-жолтите“.
Со серија од (7-2) Швајцарија одново дојде блиску до нерешен резултат, (17:20). Но атракцијата на Вајли го прекина тој празен простор во поентирањето на нашата селекција. Со контра-серија од (8-2) одново се одвоивме на солидно водство од (28:19), кое беше знак за селекторот на Швајцарија да ја потроши својата втора „минута за одмор“.
Тука нашите момци не застанаа.
По тројката на капитенот Трајковски, за прв пат дојдовме и до двоцифрена позитива (35:25). Поените на Робев и на Мекиќ, со звукот на сирената нè однесоа на максималните (39:26) како стоеше на резултатот по 20.минути играње на семафорот во СЦ „Јане Сандански“.
По поените на Крстевски и Мекиќ, на почетокот на третата четвртина креиравме и разлика од 17.поени (45:28), но уште еднаш на овој натпревар влеговме во еден празен период, во кој доста ретко поентиравме.
Швајцарците го искористија тоа и испратија сериозна закана. Анулираа дури 11.поени од таа наша позитива, и на влезот на последниот период, имавме „само“ плус 6 (52:46).
Имавме и плус 10, повторно, откако Трајковски го „намести“ Крстевски да забие, а потоа погоди и тројка, од седум метри, за (60:50) и 5:33 минути до крајот
Колку што беше потребно, за да ја превземеме првата позиција на табепата во групата „Ф“ и со големи шанси да стигнеме каде и посакуваме – во квалификациите.
По три одиграни натпрвари, сега имме скор (2-1). Швајцарија има (1-2), а Словачка (1-1) и две неодиграни средби на „балонот“.
Утре навечер, во исто време, од 19. часот, ќе играат селекциите на Словачка и Швајцарија, додека на 18.август (среда), Македонија го затвора турнирот против Словачка.
