На покана на неговиот поранешен клуб, претседателот на Македонската кошаркарска федерација, Перо Антиќ деновиве е во
посета на Атланта Хоукс.
А во главниот град на Американската сојузна држава Џорџија, предводникот на македонската кошарка, имаше убава можност
да се сретне и со дел од соиграчите со кои во периодот од 2013 до 2015 година, „делеше и добро и лошо“.
Како на пример со еден од најдобрите шутери, особено за три поени, во најсилната лига на светот, Кајл Корвер, како и
Екпе Јудо, кој сега е дел од стручниот тим на Атланта, а заедно со Антиќ беше дел од славниот тим на Фенербахче од
Истанбул со кој стигнаа и до титулата на шампион во Евролигата.
Претседателот Антиќ стигна да биде и дел од публиката на натпреварот помеѓу екипите на Атланта Хоукс и Мајами Хит, и
да му даде поддршка на тимот од Џорџија, за кој сега настапува уште еден негов голем пријател – Богдан
Богдановиќ.
Освен тоа беше почестен, со специјално интервју, и да го „најави“ овој натпревар, исклучително важен за
Хоукси, ако се знае дека се во борба за местата кои водат во плеј-офот од НБА лигата:
