По пет победи во низа, Куманово доживеа пораз на гостувањето кај Работнички во дербито кое некогаш одлучуваше за трофеите во македонската кошарка.
РАБОТНИЧКИ – КУМАНОВО 2009 98:92
Многу извесно, и двете екипи и идната сезона ќе се натпреваруваат во највисок ранг, но вечерва Работнички и Куманово се бореа во мини-лигата за опстанок. Триумфираше најтрофејниот тим во земјава со 98-92, благодарение на пресвртот во второто полувреме откако во првото доминираа гостите.
Првите 20 минути, Куманово ги заврши со водство од (46:33) што беше и највисоко водство на натпреварот. Второто полувреме Работнички го почна со серија од (10-2), а на нешто повеќе од две минути пред крајот на третиот квартал, домаќините го презедоа водството (62-61).
Гостите не се предадоа, израмнето беше до минута пред крајот кога по тројката на Марјановиќ, Куманово израмни на (92:92).
Во следниот напад, на идентичен начин врати Балмазовиќ по што Јузбашиќ не успеа да реализира од дистанца. Дион Едвин потоа погоди слободно фрлање поради техничка грешка на противничката клупа, а откако и Марјановиќ не реализира положување, Гади стави точка на мечот во СРЦ „Кале“.
Едвин постигна 32 поени, но имаше и 13. асистенции, пет украдени топки и четири скока. Кај Куманово, Јузбашиќ постигна 23 поени.
ПРВА ЛИГА-МАЖИ
ПЛЕЈ-АУТ – РЕЗУЛТАТИ И ДВОЈКИ 4. КОЛО
Работнички – Куманово 2009 98:92
Навико Академија ФМП – Кожув 68:74
1.МАЈ (НЕДЕЛА):
16.00: МЗТ Скопје Уни Банка – Ангели
Мала сала на СЦ „Јане Сандански“ – Скопје
https://youtu.be/j23_EhREV0k
ТАБЕЛА: Навико Академија ФМП 14-12, Работнички 12-14, Кожув 10-16, Куманово 2009 9-17, Ангели 4-21, МЗТ Скопје Уни Банка 3-22;
