Актуелниот вицешампион на Македонија, Пелистер без проблеми дојде до водство од 1-0 во полуфиналната серија против ТФТ Моцарт.
ПЕЛИСТЕР – ТФТ MOZZART 100:80 (1-0)
Многу работи во Битола беа јасни уште во првата четвртина. Пелистер отвори со големи (14-0), на истекот на петтата минута водеше со (19-2), а на стартот од вториот квартал и со неверијатни, но вистинити (46:20).
ТФТ Моцарт ја врати драматиката на овој меч дури во третиот период. „Црно белите“ направија серија од 15-0 и се доближија на срриозно достижни (60:66). Но Пелистер брзо одговори со 8-1 за +13 (74:61) и до крајот на натпреварот, разликата не „падна“ на едноцифрена.
Босанскиот интернационалец Сеад Хаџифејзовиќ оствари индекс 35, откако дојде до дабл дабл ефект од 32 поена и 12 скока. Добро го следеше и Маслинко со 23 поени, како и Карутерс кој исто така оствари двоене учинок со 10 поени и 10 асистенции.
Александар Костоски беше најефикасен кај ТФТ со 19 поени, но двоцифрен беше само уште Хотон со 13.
ПРВА ЛИГА-МАЖИ – ПЛЕЈ-ОФ-ПОЛУФИНАЛЕ
РЕЗУЛТАТИ – ПРВ НАТПРЕВАР
Пелистер – ТФТ Mozzart 100:80 (1-0)
МЗТ Скопје Аеродром – Работнички 82:71 (1-0)
ПЛЕЈ-АУТ ЛИГА-МАЖИ
РЕЗУЛТАТИ 3. КОЛО
Куманово 2009 – Струмица 2022 91:92
Чаир 2030 – Навико Академија ФМП 93:99
