Екипите на Работнички и на ТФТ ја имаа таа чест, вечерва да ја отворат 32. по ред, сезона во македонската Прва лига. Почебник во дуелот на екипите кои тренираат и играат во СРЦ „Кале“ е Работнички.
РАБОТНИЧКИ – ТФТ 73:56
Многу подобар вовед во премиерниот меч од новата сезона имаа кошаркарите на Работнички.
Уште во првите десет минути, условно кажано, „домаќините“ на овој натпревар се стекнаа со убедлива предност. А на истекот на десеттата минута, Работнички водеше со (24:9).
Нешто подобра реакција имаше екипата на ТФТ на почетокот на втората четвртина. Но не и за да ја загрозат убедливата позитива на противникот. На средината од овој дел од играта, „црно-белите“ симнаа мал дел од гоелмата негатива (18:31).
Но во само два напади Работнички се одбрани, и згора на тоа, ја врати позитивата, на уште повисока (35:18), а го натера Боро Смилковски, тренерот на ТФТ и на нов тајм-аут.
Како понатаму во оние четири минтуи до одморот...
Без особена промена во играта на ТФТ, екипата која беше во заостанување од 14.поени (40:26).
Американецот Квинтон Декоузи ја диктираше играта во нападот на „бело-црвените“. Во првиот дел од натпреварот, новиот играч на Работнички реализираше 12.поени, но имаше и пет успешни додавања.
По двете тројки на Ѓелетовиќ, и поените од слободните фрлања на новакот Стајиќ, Работнички оствари уште поубедлива предност (49:30), во нецели четири минути од третата четвртина.
Минута подоцна, веќе беше (54:33), потоа и највисоки, (60:34) за Работнички...
Третиот дел од играта домашниот тим го реши во своја корист со двојно поголеми (22:11), за да има слична предност, (62:37).
Последниот дел беше слика на оние претходни три. Работнички делуваше доста сигурно, и со онаа репрезентативна петорка во која се најдоа Ѓуроски, Ефремоски, Николов, Шошкиќ и Бакоч, бепе уште поленсо на патот кон првиот успех во новиот шампионат.
Декоузи застана на 14.поени (плус пест скока и пет асистенции), Ѓелетовиќ пак имаше 14, но и десет скока. Двоен број на поени, 12, даде и Ѓуроски, дополнети со девет скока.
На другата страна, кај ТФТ, далеку напред, со 19 реализации беше Луис, додека 12 поени, додаде уште еден новак во редовите на „црно-белите“; Верц.
Инаку, во тек е вториот натпревар од оваа прва вечер од новата сезона во Првата лига. Во салата „Шабан Трстена“, Чаир 2030 е домаќин на екипата на Феникс 2010.
ПРВА ЛИГА-МАЖИ
РЕЗУЛТАТИ И ДВОЈКИ 1. КОЛО
Работнички – ТФТ 73:56
Чаир 2030 – Феникс 2010 (во тек)
30. СЕПТЕМВРИ (САБОТА)
18.00: Вардар - Охрид
Сала на КК „Вардар“ – Скопје
18.00: Кожув – МЗТ Скопје Аеродром
Сала „26.април“ - Гевгелија
1. ОКТОМВРИ (НЕДЕЛА)
18.00: Гостивар – Пелистер
Сала „Младост“ - Гостивар
18.00: Академија ФМП – Еуро Никел 2005
Сала „Независна Македонија“ – Скопје
