Во последниот натпревар од првото прволигашко коло од новата сезона, уште едно изненадување. Младиот состав на Феникс 2010 и без помошта на највозраснито, Бојан Трајковски, стигна до првата победа. Уште на стартот на новиот шампионат, земаа еден голем скалп, наречен „Работнички“...
РАБОТНИЧКИ – ФЕНИКС 2010 64:75
Првото полувреме протекна во доста рамоправна игра во која сепак, условно кажано „гостите“, ја имаа предноста на својата страна. На крајот беше и минимална (38:37), иако во текот на играта „жолтите“ имаа и предност изразена со седум поени разлика, како што беше на истекот на првата четвртина, (22:15).
Поентерски, доминираа по двајца играчи на двете страни. На домашната во преден план беа Крафорд и Бакоч, кои искомбинираа 26, од крајните 37 поени.
На другата, кај Феникс 2010 пак, во главната поентерска улога се најдоа Бекингем со 13, и Хот кој реализираше десет поени.
Феникс 2010 подобро го отвори и второто полувреме.
Со серија од (11-2), избраниците на тренерот Денис Дервишевиќ во средишниот дел од третата четвртина, имаа позитива од десет поени (49:39). Но веднаш возвратија Нотаж и Крафорд, кои и ја „стопија“ разликата, поточно, донесоа егал скор (49:49) по 26.минути игра на дуелот во СРЦ „Кале“.
Гостинската екипа уште еднаш се одвои, сега на (57:51), пред Крафорд да погоди за три и постави (54:57), на влезот на последниот период од играта.
Минути во кои Феникс 2010 и без помошта на својот лидер, повредениот Бојан Трајковски, покажа дека ќе има што да каже и во оваа сезона.
Го бранеа резултатот, иако долго време беа „закочени“ на бројката 62. Доволно Работнички уште еднаш да се доближи на само „еден посед“ (60:62). Но тие нецели пет минути „белите“ ги одиграа под нивото. До крајот на мечот дадоа само уште четири поени. Таков подарок „фениксовци“ не одбија, напротив...
Петков , Митревски и Бекингем го однесоа мечот во победничка насока.
ПРВА ЛИГА-МАЖИ
РЕЗУЛТАТИ 1. КОЛО
Работнички – Феникс 2010 64:75
Куманово 2009 – Чаир 2030 79:87
Навико Академија ФМП – Кожув 79:75
Гостивар – Пелистер 75:63
Струмица – Еуро Никел 2005 84:95
ТФТ – МЗТ Скопје Аеродром 60:74
ИДНО 2.КОЛО (15.10)
МЗТ Скопје Аеродром – Гостивар
Чаир 2030 – ТФТ
Кожув – Струмица 2022
Пелистер – Работнички
Еуро Никел 2005 – Куманово 2009
Феникс 2010 – Навико Академија ФМП
