Изедначен дуел во Куманово, и конечно, победа за „сино-белите“ со кои ја прекинаа својата низа на неуспешни игри, но и победничката серија на гостите од Скопје, која застана на бројката четири.
КУМАНОВО 2009 – ФЕНИКС 2010 73:68
Кумановци направија голем чекор во трката за место кое води во зоната на опстанокот откако со добра, константна игра во текот на скоро сите 40 мибути, го изненадија тимот кој беше во серија од четири победи, три од нив во оваа календарска 2023 година.
Доста изедначен натпревар се играше во слаата „Перо Наков“ во Куманово, во најголем дел, макар што кумановските „сино-бели“ имаа водство, но не така високо и недостижно.
Откако го преземаа водството (Феникс 2010 водеше со 16:14, на истекот на првата четвртина) домашните кошаркари практично не го испуштија до самиот крај. До полувремето, поведоа со (38:33), а иста позитива имаа и на крајот на третата, (54:51).
Во онаа последната, Трајковски донесе израмнување (58:58), по три минути од играта. Но во наредните три, кумановци успеаја да се одвојат, прво на (66:61), потоа и на (71:63) кога останаа да се играат само 29 секунди.
Премалку за Феникс 2010, кој „падна“ прв пат во 2023 година. По „заслуга“ на новиот странски двоец Џеферсон (стрелец на 21поен)- Смит (12), кои беа добро следени од Нацевски, но и младиот Димитриевски со по десет реализации.
На другата страна од игралиштето, Бојан Трајковски уште еднаш беше блиску до троен ефект. Имаше 19 поени, 10 скока и 7 асистенции, Митревски дојде до 17, а Фалден и Димчевски до 11 поени.
По 15 одиграни кола, Куманово 2009 има ефект (4-11), а Феникс 2010 (9-6).
ЧАИР 2030 – КОЖУВ 79:86
Кошаркарите на Кожув ја забележаа и четвртата по ред победа во прбата лига, откако вечерва славеа на гостински терен кај Чаир 2030. Во неизвесен натпревр, победникот беше решен во последните пет минути.
Оние во кои гевгеличани, предводениод двоецот, Ризвиќ-Братож со серија од (15-1), успеаја негативата да ја претворат во предност, а потоа и во победа.
По 10. минути игра во салата „Шабан Трстена“ резултатот гласеше (23:21). Во онаа втората, немаше неколи резултатски отскокнувања, но сепаак, гостите од Гевгелија го преземаа водството, на полувремеимаа плус од три поени (45:42).
Чаирчани успеаја да стигнат до највисоката предност од 68-60 на крајот на третата четвртина, во голема мерка по соло-зиведбите на Јусуф Мохамед, а предноста ја задржаа се до средината на последната.
Се покажа како клучна за конечниот исход, затоа што Кожув се врати во игра, и тоа со серија на тројки. Погодија Ризвиќ и Братож па на две и пол минбути пред крајот, „црвено-белите“ негативата ја претворија во предност (79:78). А по неуспешниот обид на Руштити, Ризвиќ погоди две слободни фрлања за (81:78), следуваше половична реализација на Александровски од линијата за слободни фрлања (79:81), а во последната минута, точен од таа позиција прво беше Братож, а потоа и Ризвиќ, но и Гордон.
На крајот, 25 поени за Кожув постигна Ризвиќ, а до 22 поени дојде и првиот стрелец на лигата, Мајрон Гордон.
Со 33 поени и 8 скока, кај Чаир 2030 заврши Мохамед, го следеа Рушити и Чучковиќ со по 13 поени.
ПРВА ЛИГА-МАЖИ
РЕЗУЛТАТИ И ДВОЈКИ 15. КОЛО
Работнички – Гостивар 98:63
Струмица 2022 – Пелистер 77:101
Еуро Никел 2005 – ТФТ Mozzart 69:73
Чаир 2030 – Кожув 79:86
Куманово 2009 – Феникс 2010 73:68
13. ФЕВРУАРИ (ПОНЕДЕЛНИК):
18.00: Навико Академија ФМП – МЗТ Скопје Аеродром
Сала „Независна Македонија “- Скопје
ЛИНК: https://www.youtube.com/live/W8rRyGx4PZs?feature=share
ТАБЕЛА: Пелистер 27, МЗТ Скопје Аеродром 26 (-1), ТФТ Mozzart 25, Феникс 2010 24, Еуро Никел 2005 24, Гостивар 24, Работнички 23, Кожув 22, Чаир 2030 22, Куманово 2009 20, Навико Академија ФМП 17, Струмица 2022 17;
