По паузата која ја „предизвика“ настапот на нашата сениорска репрезентација во квалификациите за Евробаскетот во 2025 година, овој викенд продолжуваат натпреварите и во нашата елитна конкуренција.
На распоредот е 18. коло, кое со себе носи некои доста интересни натпревари.
Уште на стартот, во сабота од 13. часот, во СРЦ „Кале“ ќе тргнат возбудувањата. А ќе ги донесе мечот во кој се среќаваат два од нашите три претставници во АБА 2 лигата, ТФТ Моцарт и Пелистер (со директен пренос на МРТ3).
Екипи кои се стремат кон горните позиции на табелата, макар што во овој момент, екипата од Битола има една победа повеќе (скор 12-5), во однос на домашната (11-6). Што во секој случај носи дополнителна доза на неизвесност во овие 40.минути.
Нешто подоцна „Под Кале“ е предвидена уште една средба од овој круг на натпреварите. Ќе играат две екипи од долниот дел на табелата, Вардар и Кожув (двете со ефект 3-14), а го дочекуваат овој меч со сериозно променети ростери. Особено тоа се однесува за составот од Гевгелија, кој промени дури петмина кошаркари во ростерот во оваа пауза во шампионатот.
Од 18.часот, но на една поинаква скопска локација, во салата „Шабан Трстена“ во Чаир, ќе играат Чаир 2030 (12-5) и Гостивар (5-12).
Саботната програма ќе биде затворена со натпреварот во салата „Билјанини извори“ во Охрид каде, од 19.часот, гостува кавадаречки Еуро Никел 2005 (12-5).
Два натпревари ќе се играат во неделните термини. И двата ќе се играат во Скопје. Во првиот, во СЕЦ „Кале“, од 19.30 часот, ќе се сретнат второпласираниот тим на табелата, Работнички (13-4) и Навико Академија ФМП (4-13), додека пак половича час подоцна (20.00) во СЦ „Јане Сандански“ ќе играат двете „соседски“ екипи, Феникс 2010 (скор 10-7) и лидерот МЗТ Скопје Аеродром (14-3).
ПРВА ЛИГА-МАЖИ
ДВОЈКИ 18. КОЛО
2.МАРТ (САБОТА)
13.00: ТФТ Моцарт – Пелистер (МРТ3)
Сала СРЦ „Кале“ – Скопје
ЛИНК: https://www.youtube.com/live/n8LHNl5D304?si=Eblcb1eYIwkPmaTN
16.00: Вардар – Кожув
Сала на КК „Вардар“ – Скопје
ЛИНК: https://www.youtube.com/live/HEtL_DrPav4?si=9efUuf67pWbwyJhi
18.00: Чаир 2030 – Гостивар
Сала „Шабан Трстена“ – Скопје
ЛИНК: https://www.youtube.com/live/sNzT2HrLGcA?si=7p_BHx8yVN2AOB51
19.00: Охрид – Еуро Никел 2005
Сала „Билјанини извори“ – Охрид
ЛИНК: https://www.youtube.com/live/GHAjolr5Puc?si=yQ8u1cJ9sWtAhcOu
3.МАРТ (НЕДЕЛА)
19.30: Работнички – Навико Академија ФМП
Сала СРЦ „Кале“ – Скопје
ЛИНК: https://www.youtube.com/live/t6DS54LTaLM?si=K8_MNS9aE9n6f8Dm
20.00: Феникс 2010 – МЗТ Скопје Аеродром
Мала сала СЦ „Јане Сандански“ – Скопје
ЛИНК: https://www.youtube.com/live/FL2KfPBYm9Q?si=mUsh7bRJcznbhS7-
ТАБЕЛА: МЗТ Скопје Аеродром 31, Работнички 29, Еуро Никел 29, Пелистер 29, Чаир 2030 29, ТФТ Mоцарт 28, Феникс 2010 27, Гостивар 22, Академија ФМП 21, Охрид 20, Кожув 20, Вардар 20;
