Кошаркарите на Куманово 2009 направија комплетен пресврт на гостувањето во Чаир, во второто полувреме надокнадија двоцифрена негатива, ја претворија во особено важен триумф.
ЧАИР 2030 – КУМАНОВО 2009 86:91
Екипата од Куманово имаше подобар почеток, во кој реализираа високо водство од (13:2). Но само до моментите од играта во кој се „вклучи“ тандемот на чаирчани Мохамед-Френклин. Звучи неверојатно, но за кратко време, Чаир 2030 го сврте резултатот во своја корист. Имаа домаќините неверојатна серија од (26-5), и во првиот период поведоа со (28:18).
Имаа момците од Чаир идентични (40:30), но финалните минути од втората четвртина беа за гостите од Куманово, доволно да намалат на (42:48).
Следуваше уште една серија, иако не налик на првата, за Чаир 2030, по која домашната екипа, која игра без поддршка од публиката (поради суспензијата) се одвои на (56:42).
Но тука како да им снема доволно енергија за конечен удар. Му оставија доволно простор на противникот, особено на искусните Марјан Јанески и Ненад Зивчевиќ, кои знаеја да ги казнат сите слабости на противникот, и да го донесат тимот од Куманово на негатива од само два поени (64:66).
Добриот ритам на гостинската екипа во кој свои минути имаше и Нацевски, продолжи и во четвртината на одлука. Гостите поведоа со (82:75), но и тоа не беше гаранција за конечен успех.
Новата мини серија на екипата од Чаир ја врати на само „половина кош“ негатива (81:82), за влегување во драматични моменти.
При сличен скор (86:87), Мохамед не погоди за промена на водството. „Мирни“ од линијата за слободни фрлања беа, прво Џојнер, потоа и Јанески, најдобриот поединец во Куманово 2009.
За победа, и своевиден реванш за загубените бодови на првиот меч во сезоната, одигран во Куманово.
Јанески заврши со дабл-дабл ефект од 29.поени и 13.скока, Зивчевиќ го испрати со 22.реализации, додека пак кај домашниот тим дабл-дабл скор направи и Јусуф Мохамед, кој имаше 26.поени и 10.скока, беше следен од Френклин кој застана на ефект од 17.поени и 8.скока.
ПРВА ЛИГА-МАЖИ
РЕЗУЛТАТИ И ДВОЈКИ 12. КОЛО
Чаир 2030 – Куманово 2009 86:91
Кожув – Навико Академија ФМП 108:103
Еуро Никел 2005 – Струмица 2022 89:72
МЗТ Скопје Аеродром – ТФТ 91:81
Пелистер – Гостивар 117:87
22.ЈАНУАРИ (НЕДЕЛА):
20.00: Феникс 2010 – Работнички (МРТ3)
СЦ „Јане Сандански“ – Скопје
ЛИНК: https://youtu.be/cFOvlNGQJAY
ТАБЕЛА: МЗТ Скопје Аеродром 23, Пелистер 21, Гостивар 20, ТФТ 19, Еуро Никел 2005 19, Работнички 18 (-1), Феникс 2010 17 (-1), Кожув 16, Куманово 15, Чаир 2030 15, Навико Академија ФМП 15, Струмица 2022 14;
