МЗТ Скопје со убедлива победа над МКК Куманово ја стартуваше полуфиналната серија од плеј-офот.
МЗТ СКОПЈЕ АЕРОДРОМ – МКК КУМАНОВО 81:64 (1-0)
Едно одлично прво полувреме му беше потребна на МЗТ Скопје пред своите навивачи во Аеродром да го победи МКК Куманово и поведе со (1-0) во полуфиналето на плеј-офот за шампионската титула.
Тешко им беше на кумановци да се одбрана од налетите на домашната екипа во која шутерски беспрекорно биеше капитенот Дамјан Стојановски, особено во шутот вреден по три поени.
Победата „сино-белите“ ја најавија уште по 10.минути од играта во кои остварија убедлива предност (26:12).
Нешто слично се одвиваа работите во вториот период од играта во која домашната екипа имаше скоро пресликани (26:15), и на полувремето обезбеди големи и недостижни (52:27).
Многу порамноправно се играше во второто полувремне, но кумановци лишени од услугите на стартниот бек Тадиќ, успеаја само да одиграат егал во тие 20.минути, но не и да направат нешто повеќе.
Д.Стојановски ги погоди првите шест обиди зад линијата 6.75 метри, и заврши со 18.поени (6/7 за три на крајот), и четири скока. Одлично прво полувреме имаше и младиот Петков, кој во тој дел од играта реализираше 12.поени. А до двоцифрен број на поени, вкупно 14, дојде и Крстевски,
На гостинската страна, Петровиќ реализираше 15.поени, Луковиќ даде 13, а Јовановиќ уште 10.поени.
А МЗТ Скопје ќе биде домапин и на вториот натпревар од оваа серија која се игра според форматот „подобар во пет натпревари“.
ПРВА „МТЕЛ“ ЛИГА-МАЖИ
ПОЛУФИНАЛЕ – РЕЗУЛТАТИ И ДВОЈКИ
МЗТ СКОПЈЕ АЕРОДРОМ – МКК КУМАНОВО 81:64 (1-0)
10.МАЈ (САБОТА)
18.00: ТФТ – Работнички
Сала СРЦ „Кале“ – Скопје
ЛИНК: https://www.youtube.com/live/qt_7JcBsy9I?si=R1L6dCnvG-kXUMtS
ПЛЕЈ-АУТ ЛИГА-МАЖИ
10.МАЈ (САБОТА)
16.30: Вардар – Гостивар
Сала „Независна Македонија“ – Скопје
ЛИНК: https://www.youtube.com/live/eo25rekHBpg?si=JRgjvj4ziQQAHiwt
19.00: Тиквеш Голден Игл – Шкупи
Сала „Јасмин“ – Кавадарци
ЛИНК: https://www.youtube.com/live/NIb5JVtGm8Q?si=hITZUcDzDu85BPrk
