Кошаркарите на ТФТ ја продолжија серијата на неуспешни игри. Не беа на висината на задачата и на гостувањето во Гевгелија. Едноставно, не можеа да се одбранат од нападите на најдобриот стрелец во елитното друштво, Мајрон Гордон, тоа се однесува на првото полувреме. но и на неговите одлични поентерски асистенти како Братож, Колев и Ризвиќ
КОЖУВ– ТФТ МОZZART 82:72
Минималната предност која ја имаше екипата на Кожув по истекот на првата четвртина (19:17), на почетокот на втората нагло порасна. По нешто повеќе од две минути од играта, екипата-домаќин со серија од 11 поени, поведе со највисоки (30:17). Следуваше една контра-серија од (11-4) за гостите од Скопје, по која намалија на (28:34).
Неверојатниот Мајрон Гордон, кој реализираше 21 поен (7/8 во шутот за два поени), го врати Кожув на солидно водство од (38:30), а нешто потоа и на повисоки (40:31).
По одморот, екипата од Скопје успеа дури и да поведе. Со серијата од (17-7), на средина од третата четвртина имаа минимални (48:47).
Но се чини дека тоа беше и се од ТФТ на средбата во салата „26.април“. До крајот на овој дел од играта, Кожув ја врати предноста, иако не висока (62:56).
А што е поважно за тимот кој го предводен Александар Јончевски, се разиграа и други играчи освен Гордон. Одлично му асистираа и Братож, и Колев и Ризвиќ. И повеќе од доволно да се стигне до уште една победа. За Кожув осма во 17 одиграни мечеви и приклучок со седмопласираниот Работнички кој е на ефект (9-8).
Гордон застана на бројката од 32 реализации, Братож имаше 15, Колев 14, а Ризвиќ додаде уште десет.
Во ТФТ, Мекбраер даде 15, Батрик 14, а Костоски уште 13.поени. Недоволно за да стават прекин на серијата на порази која ја отворија на последниот „балон“ во АБА 2 лигата во Широки Бријег во тѕекто на минатата седмица.
ПРВА ЛИГА-МАЖИ
РЕЗУЛТАТИ И ДВОЈКИ 17. КОЛО
Кожув – ТФТ Мozzart 82:72
Еуро Никел 2005 – Феникс 2010 78:69
Навико Академија ФМП – Работнички 77:90
Струмица 2022 – Гостивар 72:79
Куманово 2009 – МЗТ Скопје Аеродром (во тек)
15. МАРТ (СРЕДА):
18.00: Чаир 2030 - Пелистер
Сала „Шабан Трстена“ – Скопје
ЛИНК: https://www.youtube.com/live/8Oh0GzE19Lw?feature=share
ТАБЕЛА: МЗТ Скопје Аеродром 30 (-1), Пелистер 29 (-1), Еуро Никел 2005 28, Гостивар 28, ТФТ Mozzart 28, Феникс 2010 27, Работнички 26, Кожув 24, Куманово 2009 20 (-1), Чаир 2030 19 (-1), Навико Академија ФМП 20, Струмица 2022 19;
