Неверојатно возбудлив, максимално неизвесен, до самиот крај, натпревар одиграа екипите на Вардар и на Крива Паланка во кој на крајот победата ја однесоа гостинките од Крива Паланка (98:96).
Дијани Робинсон реализираше неверојатни 54.поени за екипата на Крива Паланка во дерби дуелот од третото коло против Вардар. Капитенот алексовска постигна 15, а другата Американка во гостинската екипа, Меклејни додаде уште толку.
Репрезентативката Илина Селцова, која во меѓувреме се врати во „црвено-црниот“ ростер, заврши со 23. поени, другото репрезентативно име во екипата на Вардар, Елена Тасевска даде 22, додека капитенот Зафировска и Матие, беа стрелци на по 15.поени.
До трета победа во сезоната дојде и бранителот на шампионскиот трофеј. Баскет Кам немаше никакви проблеми на гостувањето во Кавадарци, каде лесно го победи Пробаскет (89:58).
Тренерот Жаклина Стојановска им даде „одмор“ на стандардните пет, а своите минути ги искористи Ива Дојчинова која дојде до 26.поени, делумно и Ѓуковиќ која додаде 10. Исто толку поени имаше и Кметовска, додека со 12, во гостинската екипа заврши Димова.
Во онаа домашната, Стоева постигна 23, а Мегленова уште 16.
Големо славење во Делчево, затоа што екипата на Патриот 2016 стигна до првата прволигашка победа откако беше подобра во дуелот со екипата на МЗТ Скопје Аеродром со резултат (72:62). .
ПРВА „А“ ЛИГА-ЖЕНИ
РЕЗУЛТАТИ 3. КОЛО
Пробаскет – Баскет кам 2011 58:89
Вардар – Крива Паланка 96:98
Патриот 2016 – МЗТ Скопје Аеродром 72:62
Бадел 1862 – слободен
ТАБЕЛА: Баскет кам 2011 6, Крива Паланка 6, Патриот 2016 4, Вардар 3 (-1), Бадел 1862 3 (-1), Пробаскет 3, МЗТ Скопје Аеродром 2 (-1);
ПРВА „Б“ ЛИГА-ЖЕНИ
РЕЗУЛТАТИ И ДВОЈКИ 3.КОЛО
Гостивар 2009 – Пониква 2022 61:37
Јан Бор – Струга 2009 37:76
Спорт тим – Охрид 67:41
Риниа – Шкупи 52:63
ТАБЕЛА: Струга 2009 6, Шкупи 5, Охрид 5, Спорт тим 5, Риниа 4, Јан Бор 4, Гостивар 2009 4, Пониква 2022 2 (-1)
