Екипата на Крива Паланка е единствената непоразена и по шест одиграни кола во Првата лига-жени. Во шестиот круг на натпреварите стигна до лесна, и убедлива победа на гостински терен кај МЗТ Скопје Аеродром (104:68), за максимални пет победи во исто толку одиграни натпревари.
А беа предводени од „трилингот“, Робинсон која дојде до бројката од 36.поени, Меклејни која реализираше 29, и Алексовска која дополни со уште 25.поени.
Сарафилоска реализираше 14.поени, Карајованова еден помалку, Алексова додаде 12, а Блажевска имаше 11.поени кај МЗТ Скопје Аеродром, кој интересно, ја доби првата четвртина со (15:12). Но сето останато беше на страната на лидерот на табелата, екипа која во втората четвртина направи двојно поголеми (38:19), за комплетен пресврт и играчки и резултатски на овој натпревар.
Бадел 1862 и Вардар одиграа еден доста интересен меч во кој, гостинската екипа имаше предност само во првата четвртина, која ја решија во своја корист со (16:14).
Во вториот период „баделки“ ја направија и клучната предност. Поведоа со (39:34), разлика која ја одржуваа до самиот крај на дерби-дуелот на ова 7.коло.
Славеа „баделки“ со конечни (70:64) за пробив во горниот дел од табелата...
Петрушевска стигна до двоен ефект, реализираше 22.поени, имаше и 13.скока, и по три асистенции, освоени односно загубени топки. Дабл-дабл реализираше и Маркоска, која освен 15.поени придодаде и 12.скока, додека Николов го заврши мечот со 12. реализации за Бадел 1862.
Кај Вардар, екипа која го запиша и третиот неуспех во сезоната, Селцова реализираше 21.поен (плус шест скока и четири асистенции), Трајковска дополни со 11.поени и 9.скока, додека Тасевска заврши со 10.поени и 7.скока.
Патриот 2016 стигна до убедлива победа (за нив втора во сезоната) во мечот против кавадаречки Пробаскет (82:59)
Ангеловска постигна 36.поени за екипата од Делчево, Рашова додаде 21, а Стоименовска имаше уште 10. поени за домашната екипа. Во гостинската, Стоева дојде до 20.поени, Мицева даде 12, а Богојевска имаше уште девет.
Екипата од Кавадарци е единствената без победа во шест одиграни кола од Првата „А“ лига од почетокот на сезоната.
ПРВА „А“ ЛИГА-ЖЕНИ
РЕЗУЛТАТИ 6. КОЛО
Патриот 2016 – Пробаскет 82:59
МЗТ Скопје Аеродром – Крива Паланка 68:104
Бадел 1862 – Вардар 70:64
Баскет Кам 2011 - слободен
ТАБЕЛА: Крива Паланка 10, Баскет кам 2011 9, Бадел 1862 9, Вардар 7, Патриот 2016 7, МЗТ Скопје Аеродром 6, Пробаскет 6;
ИДНО КОЛО (30.11)
Баскет кам 2011 – МЗТ Скопје Аеродром
Вардар – Патриот 2016
Крива Паланка – Бадел 1862
Пробаскет – слободен
ПРВА „Б“ ЛИГА-ЖЕНИ
РЕЗУЛТАТИ 6.КОЛО
Риниа – Гостивар 2009 84:57
Шкупи – Охрид 50:34
Јан Бор – Спорт тим 44:79
Струга 2009 - слободен
ТАБЕЛА: Шкупи 10, Спорт тим 9, Струга 2009 9, Риниа 8, Охрид 7, Гостивар 2009 6, Јан Бор 5;
ИДНО КОЛО (30.11)
Гостивар – Струга 2009
Спорт тим – Риниа
Охрид - Јанбор
Шкупи - слободен
