Кошаркарките на Крива Паланка продолжуваат со успешните настапи заокружени и со убедливи игри. Во тој стил го одиграа и мечот против екипата на Бадел 1862 кој го решија во своја корист со (101:72).
Пресудна беше втората четвртина од натпреварот која домашната екипа ја доби со големи (33:14), и се стекна со недостижна предност на полувремето (54:30).
Водечкиот „трилинг“ на лидерската екипа во првенството, повторно го имаше главниот, поентерски збор. Искомбинираа дури 91, од крајните 102 поени за екипата од Крива Паланка. Робинсон дојде до 34 поени, Алексовска постигна 31, а Меклејни имаше 26. поени.
На другата страна од теренот, им парираа Николов, која реализираше 30.поени, и Петрушевска која го заврши натпреварот со 28. реализации.
Вардар беше подобар од Патриот 2016, на домашен терен стигна до убедлива победа со резултат, (76:54).
Уште во првото полувреме „вардарки“ се стекнаа со висока предност (41:20), па второто се претвори во една формалност, односно рутинерско одработување на работите.
Селцова постигна 19.поени кај Вардар, Тасевска и Начевска имаа по 11, а Зафировска и Пислевска постигнаа по 10.поени.
Рашова и Ангеловска имаа по 17, а Атанасовска уште 12.поени за тимот од Делчево.
Во последниот натпревар од ова коло, по кое следува првенствена пауза (ќе се играат квалификациите од Купот на Македонија), екипата на Баскет кам 2011 беше убедлива против МЗТ Скопје Аеродром. Славеше екипата од Македонска Каменица со високи (90:49). Димова беше прв стрелец на натпреварот, даде 22.поени, а двоен број на поени во домашната екипа имаа и Максимовска која даде 17. поени, репрезентативниот двоец, Поп Димитровска и Кметовска имаше по 15, додека во гостинскиот тим, по 13 реализации имаа Митева и Карајовановска.
ПРВА „А“ ЛИГА-ЖЕНИ
РЕЗУЛТАТИ 7. КОЛО
Баскет кам 2011 – МЗТ Скопје Аеродром 90:49
Вардар – Патриот 2016 76:54
Крива Паланка – Бадел 1862 101:72
Пробаскет – слободен
ТАБЕЛА: Крива Паланка 12, Баскет кам 2011 11, Бадел 1862 10, Вардар 9, Патриот 2016 8, МЗТ Скопје Аеродром 7, Пробаскет 7;
ИДНО КОЛО (01.02.2025)
Вардар – Пробаскет
Баскет Кам 2011 – Бадел 1862
Крива Паланка – Патриот 2016
ПРВА „Б“ ЛИГА-ЖЕНИ
РЕЗУЛТАТИ 7.КОЛО
Гостивар – Струга 2009 50:53
Спорт тим – Риниа 94:55
Охрид – Јанбор 81:41
Шкупи - слободен
ТАБЕЛА: Струга 2009 11, Спорт тим 11, Шкупи 10, Охрид 9, Риниа 9, Гостивар 2009 7, Јан Бор 6;
ИДНО КОЛО (01.02.2025)
Струга 2009 - Шкупи
Спорт тим – Гостивар 2009
Охрид - Риниа
Јан Бор - слободен
