Овој викенд на програмата од Првата лига-жени се натпреварите од 4. коло од т.н. Оролоџо“. Сите четири натпревари од групата „А“ ќе се играат во саботните термини. „Отворањето“ е во Македонска Каменица, каде од 17.часот, ќе играат екипите на Баскет Кам 2011 и на Крива Паланка.
Овој дуел е практично репризирање на оној полуфиналниот кој пред две недели беше дел од Купот „Благоја Георгиевски-Буштур“. Во тие 40 минути, кошаркарките на Крива Паланка пружија силен отпор на фаворитот, и раната висока негатива, ја донесоа на само еден-два поседи заостанување. На крајот пресуди „подолгата“ ротација на шампионот, и тоа како важна предност за избраничките на тренерот Жаклина Стојановска, во оној финален дел од сезоната кога ќе се доделува и вториот трофеј.
Половина час подоцна (17.30) следува уште еден и тоа како важен натпревар во кој победникот ќе биде поблиску до позицијата број 2, која носи предност на играње на домашен терен во две од планираните три плеј-оф серии.
Интересно, тоа е „пресликување“ на вториот полуфинален меч од Купот во кој играа двата скопски ривали.
Вардар е домаќин на МЗТ Скопје Аеродром во обид да ја потврди втората стартна позиција пред доигрувањето за шампионскиот трофеј. Од друга страна пак, со евентуален успех девојките во „сино-бела“ комбинација ќе се израмнат со противникот во вкупниот поредок.
Екипата на Куманово-Гризли игра со Бадел 1862 (18.00, сала „Независна Македонија“) чека пораз на екипата од Аеродром, и со успех во оваа средба, ќе стигне и на делба на третото место на табелата во пресрет на последните три кола од оваа втора фаза од првенството.
А во последниот натпревар, од 18.30 часот, во Струга, гостува кавадаречки Пробаскет, како фаворит во овие 40.минути кои ќе се играат во салата „Нико Нестор“.
ПРВА „А“ ЛИГА-ЖЕНИ – „ОРОЛОЏО“
ДВОЈКИ 4. КОЛО
16.МАРТ (САБОТА):
17.00: Баскет Кам 2011 - Крива Паланка
Сала „Кирил и Методиј“ – Македонска Каменица
17.30: Вардар - МЗТ Скопје Аеродром
Сала на КК „Вардар“ – Скопје
ЛИНК: https://www.youtube.com/live/bNpFbeMhgMQ?si=owopxAN1zA8osuiu
18.00: Бадел 1862 - Куманово-Гризли
Сала „Независна Македонија“ – Скопје
ЛИНК: https://www.youtube.com/live/zRc7GrIIOJg?si=tV86fijqgqELTfX2
18.30: Струга 2009 – Пробаскет
Сала „Нико Нестор“ – Струга
ЛИНК: https://www.youtube.com/live/3TUDIepVv3M?si=Ib3NByYU4y_D4h2D
ТАБЕЛА: Баскет кам 2011 32, Вардар 29, МЗТ Скопје Аеродром 28, Куманово-Гризли 27, Крива Паланка 26, Бадел 1862 23, Пробаскет 22, Струга 2009 17;
ПРВА „Б“ ЛИГА-ЖЕНИ
РЕЗУЛТАТИ И ДВОЈКИ 15. КОЛО
Тим Арена – Јан Бор 78:34
16.МАРТ (САБОТА):
14.00: Охрид – Шкупи
Сала „Глигор Прличев“ - Охрид
17.МАРТ (НЕДЕЛА)
18.00: Пониква 2022 – Риниа
Сала „Сашо Лазаров“- Кочани
20. МАРТ (СРЕДА):
17.30: Патриот 2016 – Спорт тим
Сала „Методија Митевски-Брицо“- Делчево
Гостивар - слободен
ТАБЕЛА: Тим Арена 26, Патриот 2016 23, Шкупи 22, Охрид 21, Гостивар 2009 20, Јан Бор 17, Риниа 14, Спорт тим 14, Пониква 2022 13;
