Првите натпревари од разигрувањето за две места во плеј-офот во женската сениорска конкуренција донесоа по една домашна и една гостинска победа.
Многу поважна и дефинитивно е онаа која ја реализираше екипата на Патриот 206 на гостувањето во Струга каде беше за два поени подобра од Струга 2009 (58:56).
Доволно за почетно водство во серијата „подобар во три натпревари“. И со евентуален втор успех во серијата, девојките од Делчево ќе се стекнат со место во плеј-офот, односно доигрувањето за шампионската ттула. А во исто време во следната натпреварувачка сезона ќе се натпреваруваат во Првата „А“ лига, односно најдобрите осум екипи во женска сениорска конкуренција.
Сосема поинаква ситуација е во втората серија од разигрувањето, онаа во која, барем засега, екипата на Пробаскет ја оправдува улогата на фаворит против штипска Тим Арена.
Славеа кавадарчанки со убедливи (76:42) на свој терен, па сега останува тоа да го потврдат и на гостувањето во Штип, во недела, од 13.часот. Победата ги става кошаркарките на Пробаскет на седмата позиција во плеј-офот, која за противник во четвртфиналето ќе ја има екипата на Вардар.
Победникот од другата серија пак ќе игра против бранителот на шампионскиот треофеј – екипата на Баскет кам 2011.
РАЗИГРУВАЊЕ ЗА ПЛЕЈ-ОФ
РЕЗУЛТАТИ - ПРВ НАТПРЕВАР
Пробаскет - Тим Арена 76:42 (1-0)
Струга 2009 - Патриот 2016 56:58 (0-1)
ВТОР НАТПРЕВАР
13.АПРИЛ (САБОТА)
10.00: Патриот 2016 - Струга 2009 (1-0)
Сала „Методија Митевски-Брицо“ – Делчево
14.АПРИЛ (НЕДЕЛА)
13.00: Тим Арена – Пробаскет (0-1)
Сала „Јордан Мијалков“ - Штип
ПЛЕЈ-ОФ – ЧЕТВРТФИНАЛЕ
(20.АПРИЛ–24.АПРИЛ-27.АПРИЛ*)
Баскет кам 2011 – Струга 2009/Патриот 2016
Вардар – Пробаскет/Тим Арена
Куманово-Гризли – Бадел 1862
МЗТ Скопје Аеродром – Крива Паланка
*Ако биде потребно
