Кошаркарките на Баскет кам направија уште еден чекор понапред кон „потврдата“ на првата позиција на табелата во Првата „А“ лига, откако во дерби-натпреварот против екипата на МЗТ Скопје Аеродром славеа со убедливи (88:64).
Во „репризата“ на финалниот натпрвар од Купот на Македонија „Благоја Георгиевски-Буштур“, избраничките на тренерот Жаклина Стојановска, го сменија само „сценариото“. Иако водеа во текот на целиот натпревар, последните десет минути ги одиграа на највисоко ниво. Го добија тој период со (27:14), за потврда на новиот триумф (ефект 15-2) кој ги остава три чекори пред конкуренцијата.
Уште еднаш, цела една петорка на Баскет кам заврши со двоцифрен број на поени. Ја предводеа Кметовска со 21 и Димова со 20.поени. Поп Димитровска имаше 13. реализации, Николов 12, а Адамоска уште 11.поени. На другата страна, незапирлива беше Томас – стрелец на 32. поени, скоро половина од вкупниот број на домашната екипа, која го загуби второто место на кое сега останува екипата на Вардар (скор 12-5).
„Вардарки“ без проблеми стигнаа до победата над Струга 2009, на крајот убедливи беа оние (73:50). Тренерот Александар Ашаданов ја искористи оваа прилика да им даде поголем простор на помладите кошаркарки. Ги поштеди стартерите како Наков, Зафировска, Димитријевиќ, Тасевска и Деловска. А тоа сосема добро го искористија Пислевска, која забележа 20.поени (имаше и осум скока) и Начевска која постигна 16.поени, на кои со уште десет се надоврза Матие.
На другата страна од теренот, одлична беше Модева, која освен тоа што даде 28.поени, имаше и 14. скока.
До многу важен триумф во трката за позицијата број 4 стигнаа кошаркарките на Крива Паланка. Излегоа како победници во дуелот со Бадел 1862 (72:68), дојдоа до два бода кои ги оставаат во трката со екипата на Куманово-Гризли која во ова коло без проблеми го победи Пробаскет (79:61), во натпревар во која искусната Снежана Алексиќ дојде до 31.поен за домашниот тим.
На натпреварот во Крива Паланка, уште еден блесок на одличната МекКала, која реализираше 29.поени, но и на Алексовска која ја испрати со 18. Реализации, додека Хоукинс дојде до 13.
Во гостинската екипа, Томпсон постигна 25.поени, Тахеда имаше 18, Баркли девет, а Марковска уште осум поени.
ПРВА „А“ ЛИГА-ЖЕНИ – „ОРОЛОЏО“
РЕЗУЛТАТИ 3.КОЛО
Вардар - Струга 2009 73:50
Крива Паланка - Бадел 1862 72:68
МЗТ Скопје Аеродром – Баскет кам 64:86
Куманово-Гризли – Пробаскет 79:61
ТАБЕЛА: Баскет кам 2011 32, Вардар 29, МЗТ Скопје Аеродром 28, Куманово-Гризли 27, Крива Паланка 26, Бадел 1862 23, Пробаскет 22, Струга 2009 17;
ИДНО КОЛО (16.МАРТ)
МЗТ Скопје Аеродром – Струга 2009
Крива паланка – Вардар
Куманово-Гризли – Баскет Кам
Пробаскет - Бадел 1862
ПРВА „Б“ ЛИГА-ЖЕНИ
РЕЗУЛТАТИ 14.КОЛО
Шкупи – Тим Арена 40:61
Спорт тим - Гостивар 2009 43:64
Риниа – Охрид 51:55
Пониква 2022 – Спорт тим 54:87
Јан Бор - слободен
ТАБЕЛА: Тим Арена 24, Патриот 2016 23, Шкупи 22, Охрид 21, Гостивар 2009 20, Јан Бор 16, Риниа 14, Спорт тим 14, Пониква 2022 13;
ИДНО КОЛО (16.МАРТ)
Патриот 2016 – Спорт тим
Пониква 2022 – Риниа
Охрид – Шкупи
Тим Арена – Јан Бор
Гостивар - слободен
