Кошаркарките на Крива Паланка му го нанесоа првиот пораз на актуелниот шампион во женската Прва лига, екипата на Баскет кам од Македонска Каменица..
Максимално го искористија квалитетите на „трилингот“ Алексовска-Робинсон-Меклејни, но и отсуството на една од најдобрите кошаркарки на екипата од Македонска Каменица, Ивана Кметовска, и стигнаа до голема победа (70:54).И максимален ефект во четири досега одиграни мечеви од почетокот на сезоната.
Домашните кошаркарки имаа постојана предност во дерби дуелот со бранителот на титулата. По почетните (17:12) во првиот период, на полувремеот имаа и повисоки (33:27). Не застанаа ниту по паузата, како одминуваа минутите, така растеше и нивната предност, недостижна за противникот кој го впишува првиот неуспех во новиот шампионат.
Робинсон стрелаше за 22.поени, Алексовска имаше 17, а Меклејни уште 16. Поени кај Крива Паланка.
Димова имаше 17.поени, Дојчинова дојде до 14, а Адамовска даде девет поени за Баскет кам 2011.
Екипата на Вардар стигна до убедлива победа (69:51) во дуелот против екипата на МЗТ Скопје Аеродром.
„Вардарки“ направија двојна предност уште во првиот период од играта (22:11). Во наредните две играта беше доста поизедначена, за последниот удар домашните кошаркарки да го зададат во последните десет минути во кои додадоа уште десет поени во позитивата (16-6), за конечен и убедлив триумф.
Репрезентативката Илина Селцова со 25.поени го предводеше својот тим до успехот, втор во сезоната. Трајковска имаше уште 13.
На другата страна, капитенот Митева реализираше 12.поени, а Алексова и Милосављевиќ уфрлија уште по десет.
Кошаркарките на Бадел 1862 реализираа убедлива победа на гостувањето во Кавадарци, каде беа многу подобри од домашниот Пробаскет (80:45).
Во победничката екипа, Марија Николов реализираше 24.поени. Ја следеше Петрушевска која постигна 19, а Стојковска уште 16.поени, додека кај Пробаскет, Мицева даде 11, а Стоева уште девет поени.
ПРВА „А“ ЛИГА-ЖЕНИ
РЕЗУЛТАТИ 5. КОЛО
Крива Паланка – Баскет кам 2011 70:54
Пробаскет – Бадел 1862 45:80
Вардар – МЗТ Скопје Аеродром 69:51
ТАБЕЛА: Баскет кам 2011 9, Крива Паланка 8, Бадел 1862 7, Вардар 6, Патриот 2016 5, МЗТ Скопје Аеродром 5, Пробаскет 5;
ИДНО КОЛО (23.11)
Патриот 2016 - Пробаскет
МЗТ Скопје Аеродром – Крива Паланка
Бадел 1862 – Вардар
Баскет Кам 2011 - слободен
ПРВА „Б“ ЛИГА-ЖЕНИ
РЕЗУЛТАТИ 5.КОЛО
Охрид – Пониква 2022 20:0 сл.
Гостивар 2009 – Јан Бор 48:30
Риниа - Струга 2009 69:50
Спорт тим – Шкупи 81:39
ТАБЕЛА: Спорт тим 9, Струга 2009 9, Шкупи 8, Риниа 8, Охрид 8, Гостивар 2009 7, Јан Бор 6, Пониква 2022 3;
ИДНО КОЛО (23.11)
Риниа – Гостивар 2009
Шкупи – Струга 2009
Јан Бор – Спорт тим
Струга 2009 - слободен
