Второто коло од Првата лига во женска конкуренција треба да донесе потврда на успешните игри на онаа „половина“ од екипите во „А“ групата.
Тоа се однесува за Баскет кам, Вардар и Крива Паланка, секако и МЗТ Скопје, макар што „аеродромки“ до првите бодови дојдоа по службен пат.
Во вториот круг од натпреварите, МЗТ Скопје за противник ја има екипата на Бадел 1862 во дуел на две екипи кои своите натпревари ги играта „под ист кров“, во салата „Независна Македонија“, а во кој предноста ја имаа „гостинките“ најмногу поради фактот дека донесоа неколку проверени кошаркарки, и доста поискусни во однос на тимот кој го предводи тренерот Горан Крстевски.
Успехот на гостувањето во Делчево, екипата на Крива Паланка ќе го „потврдува“ пред своите верни симпатизери во салата „Бранители 2001“ во натпреварот против екипата на Пробаскет, кој се игра во недела (од 17.30 часот).
Половина час подоцна, во Куманово, својот натпревар ќе го одиграат екипите на Куманово-Гризли и Вардар, додека поради отсуство на некои од кошаркарките на Баскет кам, дуелот со Патриот 2016, актуелниот првак ќе го одигра на 23. октомври (среда), од 15. часот, пред својата публика во салата „Кирил и Методиј“ во Македонска Каменица.
ПРВА „А“ ЛИГА-ЖЕНИ
ДВОЈКИ 2. КОЛО
19.ОКТОМВРИ (САБОТА)
12.00: МЗТ Скопје Аеродром – Бадел 1862
Сала „Независна Македонија“ – Скопје
ЛИНК: https://www.youtube.com/live/IwDchCGan0k?si=3bHgSQKihJNHjro4
20.ОКТОМВРИ (НЕДЕЛА)
17.30: Крива Паланка – Пробаскет
Сала „Бранители 2001“ – Крива Паланка
18.00: Куманово-Гризли – Вардар
Сала „Перо Наков“ – Куманово
ЛИНК: https://www.youtube.com/live/ui2Cwcaie9M?si=DKfgj21vWdx2E7vd
23.ОКТОМВРИ (СРЕДА)
15.00: Баскет Кам 2011 – Патриот 2016
Сала „Кирил и Методиј“ – Македонска Каменица
ПРВА „Б“ ЛИГА-ЖЕНИ
ДВОЈКИ 2. КОЛО
18.ОКТОМВРИ (ПЕТОК)
18.30: Охрид – Гостивар
Сала „Григор Прличев“ – Охрид
19.ОКТОМВРИ (САБОТА)
12.30: Шкупи – Јан Бор
Сала „Зеф Љуш Марку“ - Скопје
15.30: Струга 2009 – Спорт тим
Сала „Нико Нестор“ – Струга
ЛИНК: https://www.youtube.com/live/Bd6V0bQKRIU?si=UkQ_g6Q4otWpvPCP
19.00: Пониква 2022 - Риниа
Сала „Сашо Лазаров“ - Кочани
