Екипите кои имаат подобра стартна позиција со убедливи победи ги стартуваа натпреварите од четвртфиналната фаза од плеј-офот.
Водечката екипа во регуларниот дел, Бадел 1862 без особени проблеми стигна до убедлив триумф над новиот член на елитната лига, екипата на Гризли Баскет (91:48) и поведе со (1-0) во серијата во која на „баделки“ им треба уште една победа за пласман во полуфиналето.
На чекор до следната рунда е и актуелниот бранител на шампионскиот трофеј, екипата на Баскет Кам 2011 кој лесно го победи кавадаречки Пробаскет (89:52).
Слично се одвиваа рабтите и на средбата во „Кале“, каде Вардар беше доминантен во дуелот со МЗТ Скопје Аеродром (82:34).
Неизвеснст, што е мало изненадување, немаше ниту во дуелот Крива Паланка-Струга 2009, затоа што домашната екипа стигна до висока победа од (84:66) и е на победа за влез во првата „четворка“ во која беа и во оној регуларен дел од шампионатот.
Инаку, вториот четвртфинален круг се игра на 19 односно 20.април, на теренот на послабопласираните екипи во регуларниот дел од сезоната.
ПРВА ЛИГА-ЖЕНИ - ПЛЕЈ-ОФ – ЧЕТВРТФИНАЛЕ
РЕЗУЛТАТИ 1. НАТПРЕВАР
Бадел 1862 – Гризли Баскет 91:48 (1-0)
Баскет Кам 2011 – Пробаскет 89:52 (1-0)
Вардар – МЗТ Скопје Аеродром 82:34 (1-0)
Крива Паланка – Струга 2009 84:66 (1-0)
