Кошаркарките на Вардар ја преземаа лидерската позиција на табелата во Првата лига-жени, откако полесно од очекувањата, беа подобри на гостински терен во дуелот со Бадел 1862 (67:41).
Па сега, со скор од седум победи и еден пораз, се искачија на првото место на табелата, со еден бод повеќе во однос на Баскет Кам 2011, кој својот натпревар од ова коло, против екипата на Струга 2009, ќе го одигра на 5. декември.
По поразот на МЗТ Скопје Аеродром на гостувањето во Крива Паланка (53:67), сега „вардарки“ се и на два чекори пред еден од конкурентите за највисок пласман.
Кошаркарките на Крива Паланка имаа постојана резултатска позитива. А добар дел од работите ги реализираа во текот на втората четвртина во која обезбедија двоцифрена предност од 11.поени (42:31). По израмнетата трета четвртина, имаа и добар финиш, доволен за успех, односно трета победа во сезоната.
Одлично издание имаа МекКала, со 19. Поени, Алексовска која даде 18, и новото засилување, Американката Хавкинс кој постигна десет поени.
Кај МЗТ Скопје Аеродром, Плакај дојде до 16. реализации, Митева имаше 11, а Томас уште десет поени.
Мошне неизвесен меч одиграа екипите на Куманово-Гризли и Пробаскет. Беше решен буквално во последните минути, На крајот, победата остана за домашната екипа која беше подобра за еден поен (68:67).
Имаа кавадарчанки предност во најголем дел од натпреварот, кој се одигра во Скопје. Во воведниот период, имаа плус 5, (23:18), на полувремето нешто пониски (38:36). Водеа и по три четвртини кошаркарките на Пробаскет (53:49). Но во онаа последната, кумановки најдоа енергија за пресврт, и минимална победа.
Алексиќ и Петрушевска реализираа по 19. поени, а Американката Џонсон додаде 14.поени и 11.скока за победничката екипа. Кај Пробаскет, Јовановиќ постигна 25, Платер 19, а Раденковиќ уште 14 поени.
ПРВА „А“ ЛИГА-ЖЕНИ
РЕЗУЛТАТИ И ДВОЈКИ 8. КОЛО
Бадел 1862 – Вардар 41:67
Крива Паланка – МЗТ Скопје Аеродром 67:53
Куманово-Гризли – Пробаскет 68:67
5.ДЕКЕМВРИ (ВТОРНИК)
20.00: Баскет Кам 2011 – Струга 2009
Сала на СРЦ „Кале“ – Скопје
ЛИНК: https://www.youtube.com/live/SMiUie1tCp0?si=68ku2M46KWnXBqd6
ТАБЕЛА: Вардар 15, Баскет кам 2011 13 (-1), МЗТ Скопје Аеродром 13, Куманово-Гризли 13, Пробаскет 11, Крива Паланка 11, Бадел 1862 10, Струга 2009 7 (-1);
ИДНО КОЛО (09.12)
Крива Паланка – Баскет Кам 2011
Пробаскет – Струга 2009
МЗТ Скопје Аеродром – Бадел 1862
Вардар – Куманово-Гризли
ПРВА „Б“ ЛИГА-ЖЕНИ
РЕЗУЛТАТИ 5. КОЛО
Гостивар 2009 – Спорт тим 55:33
ГКК Охрид – Риниа 70:51
Тим Арена – Шкупи 63:65
Пониква 2022 – Патриот 2016 54:70
Јан Бор – слободен
ТАБЕЛА: Шкупи 8, Тим Арена 8, Патриот 2016 8, Гостивар 2009 8, Охрид 8, Јан Бор 6, Пониква 2022 5, Спорт тим 5, Риниа 4;
ИДНО КОЛО (09.12)
Спорт тим – Патриот 2016
Риниа – Пониква 202
Шкупи – Охрид
Јан Бор – Тим Арена
Гостивар 2009 - слободен
