Овој викенд продолжува и натпреварувањето во Првата лига во женска конкуренција. Се игра 11. коло од натпреварите во групата „А“, односно осмиот круг од натпреварите во Првата „Б“ лига.
Сите четири натревари од поквалитетната група се играат на 20. Јануари (сабота).
„Двојна програма “ е предвидена во салата „Независна Македонија“ во Скопје...
Најпрво, од 14. часот, на теренот ќе истрчаат екипите на МЗТ Скопје Аеродром и Струга 2009. Веќе од 17.часот закажан е веројатно и најинтересниот дуел од овој круг на натпреварите. Во првиот официјален натпревар во 2024 година, ќе се сретнат екипите на Бадел 1862 и Баскет Кам 2011.
За очекување е „баделки“ да заиграат со многу поголем ангажман, особено ако се земе в предвид дека во периодот на зимската пауза се засилија со неколку странски кошаркарки, кои треба да се „комбинираат“ со оној далеку понеискусен дел од ростерот на екипата во „жолто-сина“ комбинација.
Од друга страна пак, во редовите на бранителот на титулата се враќа една од нивните најдобри кошаркарки, Марија Николов, што е од големо значење за плановите на стручниот штаб предводен од тренерот Жаклина Стојановска.
Ко-лидерот на табелата, екипата на Варцар, од 16.часот во салата „Под Кале“ ќе го дочека кавадаречки Прбаскет, додека пак ова 11.коло ќе биде затворено со дуелот во Крива Паланка. Од 16.часот во салата „Бранители 2001“ ќе играат „соседите“, односно екипите на Крива Паланка и Куманово-Гризли.
ПРВА „А“ ЛИГА-ЖЕНИ
ДВОЈКИ 11.КОЛО
20.ЈАНУАРИ (САБОТА)
14.00: МЗТ Скопје Аеродром – Струга 2009
Сала „Независна Македонија“ - Скопје
ЛИНК: https://www.youtube.com/live/lgSUs_0hg6o?si=3OfpSd1eh7_a4MfG
16.00: Вардар – Пробаскет
Сала на КК „Вардар“ - Скопје
ЛИНК: https://www.youtube.com/live/W6hVx_aOyD0?si=zRKVD9xAPwH4IWHg
16.00: Крива Паланка – Куманово-Гризли
Сала „Бранители 2001“ – Крива Паланка
17.00: Бадел 1862 – Баскет кам 2011
Сала „Независна Македонија “- Скопје
ЛИНК: https://www.youtube.com/live/sYUm67pTgXM?si=5nhcKh9VPlRereUI
ТАБЕЛА: Баскет кам 2011 19, Вардар 19, МЗТ Скопје Аеродром 17, Куманово-Гризли 15, Пробаскет 14, Крива Паланка 14, Бадел 1862 12, Струга 2009 10;
ПРВА „Б“ ЛИГА-ЖЕНИ
ДВОЈКИ 8.КОЛО
11.00: Јан Бор – Пониква 2022
Сала „Јасмин“ - Кавадарци
12.00: Шкупи – Патриот 2016
Сала „Зеф Љуш Марку“ - Скопје
15.00: Спорт тим – Риниа
Сала „Младост“ - Неготино
15.00: Гостивар – Охрид
Сала „Младост“ - Гостивар
ЛИНК: https://www.youtube.com/live/CgKWgEJ5kjM?si=NIyY0VLKWSt5w8mG
Тим Арена - слободен
ТАБЕЛА: Шкупи 12, Патриот 2016 12, Тим Арена 12, Охрид 11, Гостивар 2009 9, Јан Бор 8, Риниа 7, Пониква 2022 6, Спорт тим 6;
