Чаир 2030 беше многу подобар противник од Вардар, а многу работи беа појасни практично по само една одиграна четвртина во која домашната екипа се стекна со убедлива предност, која ја претвори во сигрна победа.
ЧАИР 2030 – ВАРДАР 104:80
За неполни пет минути од почетокот на мечот, кошаркарите на Чаир 2030 се стекнаа со двоцифрено водство од (15:5). Само две минути подпцн, веќе беше големи (22:5) за чаирчани.
На истекот на првиот период, уште повисоки (26:7) во корист на екипата фаворит.
На почетокот на втората четвртина разликата беше и 20.поени (34:14), потоа и (37:17), по што натпреварот како да доби некој поизедначен тек, во кој „вардарци“ делуваа доста поконкурентно. Извесно, ако се земе в предвид дека тренерот на домашната екипа, Ерхан Рамадан, макар и за момент(и), им даде „мал одмор“ на стартерите.
Но тоа беше само за момент, затоа што во втората „половина“ од втората четвртина, чаирчани притиснаа уште еднаш, и дојдоа до уште повисока предност (55:27). На истекот на првото полувреме, Чаир 2030 имаше големи ()58:30), и тројца играчи со двоцифрен резултат кај поените, Кели веќе изброја 17, Мофит и Кирк имаа по 10.
Третиот дел од играта беше и најизедначениот, Вардар дури и беше за еден поен подобар во тие десет минути по кои резултатот беше скоро и непроменет (82:55). Секако, и недостижен за гостинскиот тим, а повеќе од доволен за петта победа во чест натпревари за Чаир 2030 во досегашниот дел од шампионатот.
Екипа во која вечерва Кели беше прв стрелец со 38. реализации (имаше и 11.скока и пет асистенции), Мофит дополни со 15, по десет дадоа Кирк и Какруки, но и Реџа, кој како резервист уфрли уште 14, а запиша и девет скока.
Кај Вардар, кој останува без победа и по шест првенствени рунди, границата од десет поени ја надмина Стивенс, даде 12, а имаше и 15.скока.
ПРВА „МТЕЛ“ ЛИГА-МАЖИ
РЕЗУЛТАТИ И ДВОЈКИ 6.КОЛО
Чаир 2030 – Вардар 104:80
Кожув – МКК Куманово (во тек)
Шкупи – Тиквеш Голден Игл 85:82
Пелистер - Феникс 2010 110:93
10. НОЕМВРИ (НЕДЕЛА)
18.00: МЗТ Скопје Аеродром – Гостивар
Голема сала СЦ „Јане Сандански“ – Скопје
ЛИНК: https://www.youtube.com/live/GeSSuP8e5RA?si=lPoNze1v_zhYHnDe
11. НОЕМВРИ (ПОНЕДЕЛНИК)
18.00: Работнички – ТФТ (МРТ3)
Сала СРЦ „Кале “ – Скопје
ЛИНК: https://www.youtube.com/live/NiCr9c0dEbo?si=LLu5eDyolBi6Xbjk
ТАБЕЛА: Чаир 2030 11, Пелистер 11, ТФТ 10 (-1), Работнички 9 (-1), МЗТ Скопје Аеродром 8 (-1), Тиквеш Голден Игл 8, Шкупи 8, Кожув 7, Гостивар 7 (-1), МКК Куманово 7 (-1), Феникс 2010 7, Вардар 6;
