Екипата на Феникс 2010 се обиде да стави крај на резултатската криза во дуелот со Гостивар. И успеаја во тој свој обид. Со одлична завршница, направија пресврт, и дојдоа до вториот успех во сезоната.
ФЕНИКС 2010 – ГОСТИВАР 74:66
Максимално изедначено одиграа двете екипи во првото полувреме. Освен во средишниот период од втората четвртина во кој по поентирањето на искусниот Димчевски , Феникс 2010 поведе со (25:21).
Но во само две минути, Гостивар направи серија од (9-2) за да го врати водството, односно да има позитива од (30:27), а потоа и највисоки (35:31). Но ништо повеќе од тоа затоа што егал беше резултатот по 20.одиграни минути (35:35).
Апсолутно исто се играше и по паузата, двете екипи се менуваа во водство, а тројката на Родес во самиот финиш на третиот дел „пресуди“ Гостивар да влезе со плус 3, (54:51), во оној последниот.
Имаа гостите и повисоко водство (58:52), кога се играше 33.минута. Но овој пат Митревски отвори серија за домашниот тим, од (9-0) за нова, сериозна промена на резултатот (61:58). А по новото поентирање на младиот бек, беше и повисоки (63:59), на нешто помалку од четири минути до крајот.
Тука некаде „фениксовци“ го „прекршија“ овој натпревар. По тројката на Шепард имаа (67:61), но и далеку помалку време за гостите, минута и половина.
Своето одлично издание Митревски го заокружи со реализација на 23. поени, плус пет скока и четири асистенции, Шепард имаше 19.поени и по три скока и додавања. Марфи имаше девет поени, но и 14 скока, додека Тимоти го следеше со седум реализации и десет скока.
Кај Гостивар, каде играа само шест кошаркари, сосема добар ефект на стартната петорка. Односно четворица играчи со десет и повеќе поени.
Родес уфрли 17, Митевски имаше 16, Грушановиќ 12, а искусниот Соколов дојде и до дабл-дабл учинок од 10.поени и исто толку скока, плус три асистенции.
ПРВА „МТЕЛ“ ЛИГА-МАЖИ
РЕЗУЛТАТИ И ДВОЈКИ 8.КОЛО
Феникс 2010 – Гостивар 74:66
Вардар – ТФТ 79:80
МЗТ Скопје Аеродром – Кожув 69:63
1.ДЕКЕМВРИ (НЕДЕЛА)
16.00: Шкупи – МКК Куманово
Голема сала на СЦ „Јане Сандански“ – Скопје
ЛИНК: https://www.youtube.com/live/IfNIEueAxj4?si=aoFiFVNnut18LOig
19.00: Чаир 2030 – Тиквеш Голден Игл
Сала „Шабан Трстена“ – Скопје
ЛИНК: https://www.youtube.com/live/i4jMnG22GB8?si=l40RmqdXz5fyRBF5
19.00: Работнички – Пелистер (МРТ3)
Сала СРЦ „Кале“ – Скопје
ЛИНК: https://www.youtube.com/live/e9xVU8S2cWw?si=5OvLTWItvlazTK5R
ТАБЕЛА: ТФТ 15, МЗТ Скопје Аеродром 14, Чаир 2030 13 (-1), Пелистер 12 (-1), Работнички 12 (-1), Кожув 12, Гостивар 10, МКК Куманово 10 (-1), Шкупи 10 (-1), Феникс 2010 10, Тиквеш Голден Игл 9 (-1), Вардар 8;
