Екипата на Шкупи не беше противник од кој Готивар може да стравува, барем не во вечерашните 40.минути во салата „Младост“ во Гостивар.
На теренот практично постоеше само една екипа, онаа домашната која доминираше од првата до последната минута, на крајот и повеќе од доволно за сигурна победа, за нив трета во девет одиграни мечеви, скор каков шро има и екипата од Скопје.
ГОСТИВАР – ШКУПИ 79:65
Домашната екипа беше далеку подобар противник во однос на гостинската во првиот дел од играта. Во првото полувреме потполно затаи офанзивата на екипата од Скопје. Многу тешко, особено во втората четвртина успеваа да поентираат кошаркарите на Шкупи, делумно и поради добрата дефанзива која ја прикажаа кошаркарите од Гостивар.
Тоа имаше „одраз“ и на резултатот.
Ако по крајот на првата четвртина Гостивар имаше солидни (25:17), во онаа втората изградија уште повисоки (41:28), преку Грушановиќ кој со 11. поени ја предводеше онаа ударна петорка на гостиварскиот прволигаш во тие 20.минути.
Во ист стил продолжија играчите на двете екипи и по паузата од 15.минути. Ништо не се смени во играта на Гостивар и Шкупи. Разликата беше во тоа што како поминуваа минутите, така растеше предноста на домашната екипа која на крајот на третата четвртина беше недостижна за противникот. Поведоа гостиварци со (64:42).
А она што беше особено впечатливо, е податокот кој кажува дека комплетната стартна петорка дојде до двоцифрен поентерски ефект во тие 30.минути. Малку поразлично од екипата на Шкупи во која тој „статус“ го имаа Вилијамс, Трибл и Аранитовиќ. Очекувано, со оглед на тоа што во игра влегоа само уште двајца кошаркари од клупата за резерви (Златевски и Камбери).
ПРВА „МТЕЛ“ ЛИГА-МАЖИ
РЕЗУЛТАТИ И ДВОЈКИ 9. КОЛО
ТФТ – МЗТ Скопје Аеродром 75:70
Гостивар – Шкупи 79:65
Кожув – Феникс 2010 (во тек)
МКК Куманово – Работнички (во тек)
8.ДЕКЕМВРИ (НЕДЕЛА)
18.00: Тиквеш Голден Игл – Вардар
Сала „Јасмин“ – Кавадарци
ЛИНК: https://www.youtube.com/live/JBnkKvFGkss?si=gcSotLEgqjSSsZo3
18.30: Пелистер – Чаир 2030
Сала „Боро Чурлевски“ – Битола
ЛИНК: https://www.youtube.com/live/Tbp248vuqic?si=jefuZFs3vGzAlpBN
ТАБЕЛА: ТФТ 17, Чаир 2030 15, МЗТ Скопје Аеродром 15, Работнички 13, Пелистер 13, Кожув 12, МКК Куманово 12, Гостивар 12, Шкупи 12, Тиквеш Голден Игл 10, Феникс 2010 10, Вардар 8;
