Деветтото коло од Првата „Мтел“ лига со себе носи навистина неколку и тоа интересни натпревари, кои ќе имаат и директно влијание на изгледот на табелата.
Водечкиот двоец, Чаир 2030 и ТФТ пред себе ги имаат ланските финалисти на плеј-офот.
Чаирчани имаат тешко гостување во Битола, каде во недела, од 18.30 часот, за противник го имаат Пелистер.
Екипа која во последниот период не прикажува добри игри, нема ниту резултат(и), и извесно ќе има дополнителни мотиви да го пронајде патот кон нешто подобро – победите.
Битолчани ги загубија и оние малку шанси да „презимат“ на Јадранот, па сега со стонастотен ангажман ќе им се посветат на следните предизвици, оние од домашен карактер.
Истото се однесува и за актуелниот бранител на шампионската титула.
МЗТ Скопје победи во Тиват, но остана без пласман во ТОП 8 фазата на АБА 2 лигата, што ослободува„ простор“ за максимум во обидите да се одбранат двете титули.
А овој викенд, поточно во сабота од 17.часот, ги чека нималку лесно гостување, макар било во СРЦ „кале“, каде играат против актуелниот ко-лидер на табелата, екипата на ТФТ.
Без понатамошни „мотиви“ на Јадранот (иако треба да одиграат уште еден меч, против Војводина во Скопје), се и кошаркарите на Работнички, кои во ова деветто коло патуваат за Куманово, каде во саботен термин (18.30 часот), во салата „Перо Наков“ ќе играат против дополнително мотивираниот МКК Куманово, кој во изминатото коло стигна до првата победа на гостински терен (совладан Шкупи во Скопје).
Неизвесност се очекува и во останатите три дуели од овој круг на натпреварите.
Во сабота, од 17.часот, во Гостивар гостува екипата на Шкупи, која еднаш веќе изненади, и победи во Битола, и тоа е знак за аларм за гостиварци дека во ниту еден случај не смеат да го потценат противникот.
Кожув е благ фаворит во мечот против Феникс 2010 кој го игра на домашен терен (во сабота од 18.часот), но тоа гевгеличани треба да го потврдат на теренот, против екипата која во претходното коло стигна до вториот успех (беше подобра од Гостивар).
Старт под очекувањата има и екипата на Тиквеш Голден Игл (само две победи во осум кола), која во недела од 18.часот, пред своите симпатизери во салата „Јасмин“ ќе има и веројатно,, најголема можност да стигне и до третата, затоа што пред себе го има тимот кој сеуште ја бара првата првенствена победа – Вардар.
ПРВА „МТЕЛ“ ЛИГА-МАЖИ
ДВОЈКИ 9. КОЛО
7.ДЕКЕМВРИ (САБОТА)
17.00: ТФТ – МЗТ Скопје Аеродром (МРТ3)
Сала СРЦ „Кале“ – Скопје
ЛИНК: https://www.youtube.com/live/p8KYCHjjWGo?si=Mzj8n_27DjId0mMV
17.00: Гостивар – Шкупи
Сала „Младост“ – Гостивар
ЛИНК: https://www.youtube.com/live/7IAejz4wnDk?si=t1xf2IZ55jyJi6u3
18.00: Кожув – Феникс 2010
Сала „26.април“ – Гевгелија
ЛИНК: https://www.youtube.com/live/JPJPSvDG67c?si=ZijCMPYOFZZ8V22H
18.30: МКК Куманово – Работнички
Сала „Перо Наков“ – Куманово
ЛИНК: https://www.youtube.com/live/CPzm0AwenJI?si=yHgn-XWlvg-2mHat
8.ДЕКЕМВРИ (НЕДЕЛА)
18.00: Тиквеш Голден Игл – Вардар
Сала „Јасмин“ – Кавадарци
ЛИНК: https://www.youtube.com/live/JBnkKvFGkss?si=gcSotLEgqjSSsZo3
18.30: Пелистер – Чаир 2030
Сала „Боро Чурлевски“ – Битола
ЛИНК: https://www.youtube.com/live/Tbp248vuqic?si=jefuZFs3vGzAlpBN
ТАБЕЛА: Чаир 2030 15, ТФТ 15, МЗТ Скопје Аеродром 14, Работнички 13, Пелистер 13, Кожув 12, МКК Куманово 12, Шкупи 11, Гостивар 10, Тиквеш Голден Игл 10, Феникс 2010 10, Вардар 8;
